बाढी पहिरोको कारण स्याङ्जा जिल्लामा एक सातामा १० जनाको मृत्यु भएको छ भने सात जना घाइते भएका छन् । कमजोर भू बनोट भएका पहाडी क्षेत्रका बस्तीमा वर्षेनी मनसुनजन्य विपद्का घटना घट्दै आएका छन् । गण्डकी प्रदेशका ११ जिल्लामध्ये स्याङ्जा जिल्ला उच्च जोखिममा रहेको अधिकारीहरुले बताएका छन् ।
अघिल्लो वर्षहरुको तुलनामा यस वर्ष स्याङ्जामा अत्याधिक वर्षा भएको छ । वर्षा सुरु भएसँगै जिल्लामा मानवीय एवं भौतिक क्षतिका घट्ना वृद्धि भएका छन् । बाढी र पहिरोमा परेर ज्यान जानेमा बिरुवा गाउँपालिकामा ३ जना, फेदीखोला गाउँपालिका २, आँधीखोला गाउँपालिकाका २, पुतलीबजार नगरपालिकामा १ जना र भीरकोट नगरपालिकामा दुई जना रहेका छन् । पहिरोमा परेर बिरवा गाउँपालिकाका ५ जना र आँधीखोला गाउँपालिकाका २ जना घाइते भएका छन् । भीरकोट, गल्याङ नगरपालिकासहित आँधीखोला गाउँपालिकाका बस्ती ने जोखिममा रहेको अधिकारीले बताएका छन् । गाउँका धेरै घरहरु बाढी पहिरोको चपेटामा परेका छन् ।
विपद व्यवास्थापन समितिको बैठकमा सहभागीहरुले विपदबाट धनजनमा पुगेको क्षतिका बारेमा जानकारी गराएका थिए । स्याङ्जा जिल्लाका सहायक प्रमुख जिल्ला अधिकारी दीपक पोडेलले मानवीय क्षतिको साथै ६ वटा घर पूर्ण रुपमा नष्ट भएको र ५ वटा घर जोखिममा रहेको जानकारी गराएका छन् । उनले विपद्को यो बेलामा सबै मिलेर उद्धारमा जुट्न अनुरोध गरे ।
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण… 
सन् २००० अघि सम्म हिउँको थुप्रो मात्र रहेको कास्कीको मादी गाउँपालिका सिक्लेस स्थित हुँगु क्षेत्रको हिउँको थुप्रो त्यसपछिका वर्षमा… 
भारतीय लाटोकोसेरो संरक्षण उत्सवमा नेपालका संरक्षणकर्मी राजु आचार्य पुरस्कृत र सम्मानित भएका छन् । पिङ्गोरी, पूनेमा आयोजना भएको उत्सवमा… 
नेपाल प्रहरी प्रधान कार्यालय केन्द्रीय अनुसन्धान ब्यूरो र डब्लु डब्लु एफ नेपाल बीच समझदारी पत्रमा हस्ताक्षर भएको छ ।… 
एशियाको जलभण्डार — हिन्दुकुश हिमालय — जोगाउने र जगाउने उपायबारे पोखरामा शुक्रबार देखि ४ दिन मन्थन हुँदै छ ।…