हिमालपारीको जिल्ला मुस्ताङको थासाङ गाउँपािलकाको कोवाङ, लार्जुङ, बोक्सीखोला र नाउरिकोट क्षेत्रको लेकमा आइतबार भीषण हिम पहिरो गएको छ । हिमपहिरो आएपछि भागदौडमा ११ जना घाइते भएका छन् ।
थासाङ गाउँको पश्चिममा पर्ने धौलागिरी हिमाल क्षेत्रको हिमालबाट ठूलो आवाजसहित भीषण हिम पहिरो खसेको जिल्ला प्रशासन कार्यालय मुस्ताङले जनाएको छ । ठूलो आवाजसहित कालो मुस्लो हिमाली क्षेत्रबाट खस्न थालेपछि स्थानीयको भागदौड मच्चिदा स्थाीय घाइते भएका हुन् । घाइतेको जिल्ला अस्पतला जोमसोममा उपचार भइरहेको छ ।
हिमपहिरोमा परेर घाइते भएकाहरुलाई गण्डकी प्रदेश सरकारका अर्थमन्त्री रामजीप्रसाद बरालले भेटेर अवस्था बुझेका छन् । मुस्ताङ भ्रमणमा रहेको बेला घटना भएको थाहापाएपछि मन्त्री बराल अस्पताल पुगेर घाइतेको अवस्था बुझेका हुन् । धौलागिरी हिमश्रृंखला अन्तर्गतको ६९२० मिटर अग्दो टुकुले पिक माथिबाट बिहान ११ बजेर ४० मिनेट तिर भीषण हिमपहिरा झरेको स्थानीयले बताएका छन् ।
यति बेला हिमालमा हिम पहिरो खस्नु सामान्य रहे पनि यो कस्तो खालको पहिरो हो त्यसको अध्ययन हुनु पर्ने प्राकृतिक प्रकोप र विपद् विषयमा फ्रान्सको पेरिस विश्व विद्यालयबाट विद्यावारिधि गर्दै गरेका वरिष्ठ जियो टेक्निकल इन्जिनियर नारायण गुरुङ बताउँछन् ।
असार, साउनमा हिमालमा हिउँ पर्छ । यति बेला लामो समयदेखि दिन घमाइलो छ । यसैले घाम लागेको बेलामा हिउँ पग्लीने र हिमपहिरो जानसक्ने भएकोले हिमपहिरो जाने क्षेत्रका स्थानीय सर्तक हुनु पर्ने उनको सुझाव छ।
मुस्ताङको कोवाङमा आइतबार खसेको हिमपहिरो। तस्बिर सौजन्यः देवबहादुर विक
जलवायु परिवर्तनसम्बन्धी संयुक्त राष्ट्रसंङ्घीय संरचना महासन्धि (युएनएफसिसिसी) का पक्ष राष्ट्रहरुको २९ औं सम्मेलन (कोपा–२९) जलवायु वित्त का विषयमा केन्द्रि… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
पंक्षी जन्तु जगतमा पर्ने, प्वाँख, चुच्चो र पखेटा भएका प्राणीको समुह हो । मानव जातिसँग निकटतम सम्बन्ध भएका यी… 
नेपालको एकमात्र ढोरपाटन सिकार आरोक्षणमा सिका गर्नकालागि पहिलो याम सुरु भएको छ । वन तथा वातावरण मन्त्रालयको राष्ट्रिय निकुञ्ज… 
मुसा खाएर किसानले उत्पादन गरेका अन्नबाली जोगाउन महत्त्वपूर्ण भूमिका खेल्ने लाटोकोसेरो संरक्षणकालागि पोखरामा सुरक्षाकर्मी, वन मन्त्रालय, डिभिजन वन कार्यालय…