२०७६ को चैत ११ देखि कोरोना सङ्क्रमण नियन्त्रण गर्न सुरु भएको लकडाउन र कडाइका कारण शून्यको अवस्था सम्म पुगेको पर्यटन उद्योग तेस्रो लहरको कोरोनापछि पर्यटक आगमन बिस्तारै बढ्दो क्रममा रहेको तथ्याङ्क छ ।
पुन नयाँ भेरियन्टको सङ्क्रमण नदेखिए पर्यटन उद्योगले लय समाउने गरी पर्यटकको आगमनमा बढोत्तरी हुँदै गएको पोखरा पर्यटन परिषद्का अध्यक्ष गोपीबहादुर भट्टराईले बताए । पोखरामा नयाँ वर्ष २०७९ मनाउने आउने आन्तरिक पर्यटक र विदेशी पर्यटक समेतको आगमनले नयाँ वर्षको दुई दिन ८० प्रतिशत भन्दा बढी अकुपेन्सी रहेको थियो । कोभिड पछि पछिल्लो समयमा पर्यटकको आगमन बढ्दो क्रममा रहेको होटल संघ नेपाल पोखराका अध्यक्ष लक्ष्मण सुवेदीले बताए ।
तेस्रो मुलुकका पर्यटकका आगमन पनि बढ्दाे क्रममा रहेकोले लामो अन्योल तर तनावमा रहेको पर्यटन उद्योगमा नयाँ आशा र विश्वास पलाएको अध्यक्ष सुवेदीले बताए । पर्यटकीय सहर पोखरामा होटलमा मात्र ४ अर्ब भन्दा बढी लगानी रहेको होटल संघ पोखरा नेपालका अध्यक्ष सुवेदीले बताए ।१२ सय होटलमा १५ हजार भन्दा बढीले रोजगारी पाएको पनि उनले सुनाए । यति ठूलो लगानी रहेको पर्यटन उद्योगमा कोभिडका कारण पर्यटक आगमन शून्यमा रहँदा धेरै व्यवसायीको लगानी जोखिममा रहेकोले सरकारले राहत र पर्यटन प्रवर्द्धन सहयोग गर्नु पर्ने व्यवसायीले बताएका छन् ।
पोखराको पर्यटन उद्योगमा कुल लगानी ५ खर्व बढी रहेको पोखरा पर्यटन परिषद्का अध्यक्ष भट्टराईले बताए ।कास्की र पोखरामा वर्षेनी कति पर्यटक आउँछन् भन्ने यकिन तथ्याङ्क अन्नपूर्ण संरक्षण क्षेत्र आयोजना बाहेक अरू कुनै पनि सरकारी निकायले राख्ने गरेका छैनन् । पोखराका पर्यटन व्यवसायीले नेपालमा आउने कुल पर्यटकमा ४० प्रतिशत पर्यटक पोखरामा आउने गरेको अनुमान गर्ने गर्दछन् । अन्नपूर्ण संरक्षण क्षेत्रमा सन् २०२२ को तीन महिनाको तथ्याङ्क हेर्दा पर्यटकका आगमन कोरोना पछिकै सबैभन्दा बढ्दो क्रममा रहेको पाइएको छ । सन् २०२२ को जनवरीमा अन्नपूर्ण संरक्षण क्षेत्रमा ९७६ जना पर्यटक पदयात्रामा पुगेको तथ्याङ्क छ ।
त्यसमा सार्क मुलुकको पर्यटकको सङ्ख्या ५०३ र सार्क बाहेकका अन्य मुलुकका पर्यटकको सङ्ख्या ४७३ रहेको अन्नपूर्ण संरक्षण क्षेत्र आयोजना (एक्याप)का सूचना अधिकारी अशोक सुवेदीले जानकारी दिए । यस्तै गरी फ्रेब्रुवरीमा कुल पर्यटकको आगमन १५८७ रहेको छ । सार्क मुलुकका पर्यटक ५३० आउँदा सार्क बाहेकका अन्य देशमा पर्यटकको सङ्ख्या बढेर १०५७ रहेको एक्यापकाे तथ्याङ्क छ । मार्च महिनामा एकै महिनामा कोभिड पछिकै सबैभन्दा धेरै १२ हजार २ सय १९ पर्यटकले अन्नपूर्ण संरक्षण क्षेत्रमा पदयात्रा गरेको तथ्याङ्क छ ।
सार्क मुलुकका ७ हजार २ सय ६० जना पर्यटकले अन्नपूर्ण संरक्षण क्षेत्रको भ्रमण गर्दा तेस्रो मुलुकका ४ हजार ९ सय ५९ जना पर्यटकले अन्नपूर्ण संरक्षण क्षेत्रमा पदयात्रा गरेको एक्यापका संरक्षण अधिकृत समेत रहेका सूचना अधिकारी सुवेदीले जानकारी दिए । सन् २०१९ मा अन्नपूर्ण संरक्षण क्षेत्रमा इतिहासमै सबैभन्दा धेरै १ लाख ८१ हजार ५ सय ७६ जना विदेशी पर्यटकले पदयात्रा गरेका थिए । कोरोना पछि विश्व पर्यटन बजारले नै नराम्रो संग प्रभावित भएको हो ।
सडकका कारण भ्यागुताहरूलाई जोखिम छ भन्ने कुरा त मानिसहरूलाई पहिल्यै थाहा थियो । अब यो अध्ययनले यस तथ्यलाई वैज्ञानिक… 
कास्कीको माछापुच्छ्रे गाउँपालिकाले आगामी वर्षका लागि ६३ करोड ३३ लाख ३१ हजारको बजेट सार्वजनिक गरेको छ । गाउँपालिका उपाध्यक्ष… 
हिजो बिहान आकाशमा रातो बादल देखिएको थियो,” हिमाली जिल्ला ताप्लेजुङको वालुङ गाउँकी याकपालक पेम्बा भुटी शेर्पा भन्छिन्, “भोलि हिउँ… 
सर्वोच्चले निजगढमा विमानस्थल निर्माण गर्ने सरकारी निर्णयलाई बदर गरिदिएपछि पनि त्यहीं विमानस्थल बनाउने अडान राख्नु फैसलाको अवज्ञा भएको विज्ञहरुले… 
युरोपेली मुलुक माल्टामा घरमा ४ बोट गाँजा रोप्न पाइने र सात ग्राम गाँजा बोक्ने पाइने गरि गाँजासम्बन्धी नयाँ कानुन… 
अंग्रेजी महिना सेप्टेम्बरको पहिलो शनिवार विश्वभर अन्तर्राष्ट्रिय गिद्ध सचेतना दिवस मनाइँन्छ । सन् २००९ देखि प्रत्येक वर्ष सेप्टेम्बर महिनाको… 
नेपालमा बाघको सङ्ख्या बढेको छ । बाघको सङ्ख्या बढेर ३५५ पुगेको छ । नेपालमा बाघको सङ्ख्या बडेसँगै संरक्षण क्षेत्रमा… 
वन्वयन्तुको घर वनको अतिक्रमण बढ्दो क्रममा छ । यसको प्रत्यक्ष असर वन्यजन्तु संरक्षणमा देखिएको छ । देशको महत्वपूर्ण राष्ट्रिय…