धान भित्रयाउने बेलामा देशको अधिकांश क्षेत्रमा वर्षा हुँदा काट्न ठिक्क परेको धानलाई क्षति पुर्याएको छ । धान उत्पादनको मुख्य क्षेत्र तराई देखि पहाड सम्म नै मंसिरको झरीले धानलाई क्षति पुर्याएको हो ।
रुपन्देहीको तिलोत्तमा, आमसतिया, सियारी लगायतका क्षेत्रमा पानीले धान डुबानमा परेर नष्ट गरेको किसानले बताएका छन् । यसै गरी तराईका विभिन्न जिल्लाको साथै पहाडी जिल्लामा पनि बेमौसमी वर्षाले भित्रयाउन ठिक्क परेको धानलाई क्षति पु¥याएको हो । कास्की जिल्लाको हेमजा, लेखनाथ क्षेत्रमा चाँडो पाक्ने धानलाई क्षति पुर्याएको छ ।
हाइब्रिड धान उपज, युएस ११२ लगायतका धानमा वर्षाले क्षति पुर्याएको पोखरा महानगरपालिका कृषि महाशाखा प्रमुख मनहर कडरियाले जानकारी दिए । लेखनाथको फाँटमा किसानले दसैं अघि नै काटेर खेतमा सुकाएको धाने वर्षाको कारण डुबानमा परेको स्थानीय किसान कमल अधिकारीले बताए । हेमजामा पनि काटेर खेतमा सुकाएको हाइब्रिड धानलाई पानीले क्षति पुर्याएको स्थानीय किसानले बताएका छन् । पोखराको रैथाने पोखरेली जेठोबुढो धान भने कार्तिक दोस्रो साता देखि काट्न सुरु हुन्छ । वर्षा र हावाहुरीले जेठोबुढो धान पनि ढल्ने समस्या आएको किसानले बताएका छन् ।
देशको अधिकांश भूभागमा सामान्य बदली रही सुदूरपश्चिम, कर्णाली, लुम्बिनी र गण्डकी प्रदेशका केही स्थानहरूमा वर्षा भइरहेको जल तथा मौसम पूर्वानुमान महाशाखाले जनाएको छ । बाँकी प्रदेशका एक दुई स्थानहरूमा मेघ गर्जन र चट्याङ्सहित हल्का देखि मध्यम वर्षा भइरहेको जनाएको छ । देशका उच्च हिमाली भूभागहरूका केसी स्थानमा हल्का देखि मध्यम र बाँकी हिमाली भूभागका केही स्थानहरूमा हल्का हिमपात समेत हुने सम्भावना रहेको जल तथा मौसम पूर्वानुमान महाशाखाले जनाएको छ ।
समाचार तस्बिर : पानी परेपछी काटेकाे धानमा पुगेकाे क्षति अवलाेकन गर्दै पाेखराकाे लेखनाथकी किसान । तस्बिर : कमल अधिकारी ।
हिन्दूकुह हिमालय संसदीय बैठक सोमबार देखि काठमाडौंमा सुरु भएको छ । ‘हिन्दूकुश हिमालय क्षेत्र’मा पर्ने मुलुकका संसद्बीच साझा धारणा,… 
पोखरा : पर्यटकीय राजधानी पोखरामा शुक्रबार देखि रिसाइक्लिङ र अपसाइक्लिङ मार्फत हरित रोजगारी सिर्जना गर्ने उद्देश्यले आरयु फेष्ट सुरु… 
पोखरा २८ काफलघारीका किसान मकै खेती गर्दा बाँदरको आतंकले निकै हैरान भएका थिए। मकै बचाउन हेरालो राख्नुपर्थ्यो, तर बाँदरले… 
कृषि प्रधान देश नेपालले २०५० सालसम्म धान तथा चामल निर्यात गर्ने गथ्यो । नेपालमा समय अनुसार वैज्ञानिक खेती प्रणाली… 
पोखरा : छालबाटो पुस्तक यात्रावृतान्तमा सीमित नभई नदी प्रणालीको समाजशास्त्रीय, प्राकृतिक र विज्ञानको लिखत बनेको बताइएको छ । पत्रकार… 
वन्यजन्तु चोरी सिकार, अवैध व्यापार नियन्त्रणकालागि सुराकी एप्लिकेसन सुरु हुने भएको छ । आविष्कार केन्द्रको प्राविधिक सहयोगमा प्रकृतिका साथीहरू…