अविरल वर्षाका कारण देशभर ८३ जनाको मृत्यु

वर्षा मौसम सुरु संगै अविरल वर्षाको कारण देशभर हालसम्म ८३ जनाको मृत्यु भएको छ । प्रहरी प्रधान कार्यालयका अनुसार गत जेठ २८ गतेदेखि बिहीबार बिहानसम्म देशका विभिन्न स्थानमा आएको बाढी पहिरोमा परेर ३३ जना पुरुष, २५ जना महिला र २५ जना बालबालिकाको मृत्यु भएको छ ।

यस्तै गरी बाढी हिरोमा परेर १ सय ६ जना घाइते भएका छन् । हालसम्म २ पुरुष र ३ महिलासहित पाँच जना बेपत्ता भएकोे केन्द्रीय प्रहरी प्रवक्ता दानबहादुर कार्कीले बताए । घाइते हुनेमा ५१ जना पुरुष, ३६ जना महिला र १९ जना बालबालिका रहेको बताइएको छ । बाढी पहिरोका कारण ३ सय ८४ पशु चौपायाको क्षति भएको छ ।

एक सय ३९ भर र ५४ गोठमा क्षति पुगेको प्रहरीले जनाएको छ । वर्षा र पहिरोका कारण ८ सय ५८ परिवार विस्थापित भएका छन् । बाढी हिरोमा परेकाको उद्धारकालागि हालसम्म ५ हजार ४ सय २८ प्रहरी परिचालन गरिएको छ । बाढी पहिराेको कारण देशभरमा ४१ पुल बगाएको छ भने एक विद्यालय र दुई सरकारी भवनमा क्षति पुगेको छ ।