पोखरा भ्रमणमा आएका पर्यटकले सप्तरङ्गी टीका लगाएर तिहार पर्व मनाएका छन् । होटल संघ पोखरा नेपालको आयोजनामा भएको भाइटिका महोत्सवमा विभिन्न देशका ५१ पर्यटकले टिका लगाएर तिहार पर्व मनाएका हुन् ।
टीका लगाउनु अघि पर्यटकलाई पाँच दिन सम्म चल्ने भाइटिकाको महत्वको बारेमा जानकारी गराएका थिए । तिहार पर्वमा काग, कुकुर, गाई, गोरुलाई किन पूजा गरिन्छ र यसको महत्त्व के छ भन्ने विषयमा पनि पर्यटकलाई जानकारी गराइएको थियो । टीका लगाउने क्रममा पानी र तेलले घेरा बनाउँदै पर्यटकलाई परिक्रमा गर्दा पर्यटकले यसको महत्वका बारेमा जिज्ञासा राखेका थिए ।
भाइटिकामा अमेरिका, बेलायत, चीन, जापान, अष्ट्रेलिया लगायत विभिन्न १५ देशका पर्यटकले टिका ग्रहण गरेका थिए । आयोजक संघका अध्यक्ष लक्ष्मण सुवेदीले संघले भाइटिकालाई महोत्सवका रूपमा निरन्तरता दिएपछि पोखराका विभिन्न होटलमा समेत पर्यटकलाई टिका लगाउने कार्यक्रम भएको बताए । विगत १९ वर्ष देखि हुँदै आएको भाइटिका महोत्सवमा पछिल्लो समयमा भाइटिकामै सहभागी हुनकालागि पनि पर्यटक आउने क्रम बढेको पनि उनले बताए ।
महोत्सवमा पर्यटकले देउसी खेले र नाचगानमा समेत रमाए । उनीहरुले सेलरोटी चाखे । टिका ग्रहण गरेपछि महिला पर्यटकलाई पछ्यौरा र पुरुषहरुलाई ढाका टोपी उपहारस्वरुप प्रदान गरिएको थियो । टिका लगाएपछि लिथुएनियाकी पर्यटक मोनिकाले नेपाली जनता र तिहारको सांस्कृतिक पक्ष आफूलाई मन परेको अनुभव सुनाइन् । मर्दि हिमाल पदयात्राका क्रममा आफूले राम्रोसँग हिमाल देख्न नपाए पनि पदयात्रा निकै स्मरणीय बन्न पुगेको बताइन् ।
पोखरा : बंगलादेशको खाडीमा विकसित भएको ‘अर्नब आँधी’ले आज बिहीबारदेखि शनिबार सम्म तराई, पहाडमा पानी पर्ने र हिमाली क्षेत्रमा… 
हिमालपारिका जिल्ला मनाङ र मुस्ताङ रेन स्याडो जोन अर्थात् न्यूनवर्षा हुने जिल्लामा पर्छन् । यसैले यहाँका घरहरूका छत माटोले… 
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
भूगोलविद् डा. हर्कबहादुर गुरुङ र संरक्षणविद् डा. चन्द्रप्रसाद गुरुङको सम्झनामा बेल्जियममा २०औँ स्मृति दिवस मनाइएको छ। २० वर्षअघि ताप्लेजुङको…