किन बनाउँछन् किरा फट्याङ्ग्राले पानीको फोका ? (फोटो फिचर)

किरा-फट्याङ्ग्राको तस्बिर खिच्न लागेको धेरै भएको छैन l यी साना संसारमा रमाउनेको तस्बिर खिच्दा पहिला-पहिला खासै चासो जागेन तर अहिले भने निकै रोचक लाग्न  थालेको छ l एक पटक तस्बिर खिच्दा यिनले मुखबाट सेतो रङ्गको बेलुनजस्तो आकार निकालेको देखेँ l मैले रोगी किरा हो कि भनिठानेँ l अरूले पनि त्यस्तै गरेको देख्न थालेपछि, पानीको फोका फुलाउनुको कारण खोज्न थालेँ। गुगल गरेर एकपटक हेर्ने विचार गरेँ l

केही किराहरूले (जस्तै झिँगा, बारुला आदि) एउटा अचम्मको बानी थाहा पाइयो । उनीहरूले समय समयमा पानीको फोकाजस्तै फुलाउँदा रहेछन् । पेटमा रहेको लेसिलो पदार्थलाई मुखसम्म ल्याएर बेलुन फुकेजस्तो गोलो बनाउने¸ केही समय त्यत्तिको राख्ने र फेरि निल्ने गर्ने रहेछन् l  

उनीहरूले आफ्नो शरीरलाई शीतल राख्नको लागि त्यसो गर्दा रहेछन् । उनीहरूले पहिला फोका फुलाउँदा रहेछन् र त्यो फोका चिसिएपछि आफ्नो शरीरभित्र लिँदा रहेछन्, जसले गर्दा उनीहरूलाई शीतलता मिलोस्। जति तापक्रम बढ्दै जान्छ  त्यति नै पानीको फोका बनाउने क्रम पनि बढ्ने रहेछ l तर कुनैले चैँ केही खाएपछि आफ्नो मुख सफा गर्नलाई पनि यस्तो गर्दा रहेछन् । मेरो बिषय नमिल्ने हुनाले अरु कारणहरु त्यति खोतल्ने प्रयाश गरिन l

तिनै पानीका फोकाहरू निकालेको केही तस्बिरहरू यहाँ प्रस्तुत गरेको छु l  

(समुन्द्र घिमिरे व्यवस्थापन विषयमा स्नातकोत्तर हुन् l उनी फोटोग्राफीमा रूची राख्छन् । )