पोखरा : पोखरा उपत्यकामा ५ सय ४१ प्रजातिका चरा रेकर्ड भएका छन् । सन् २०१९ मा गरेको अध्ययनमा ४ सय ६७ प्रजातिका चरा रेकर्ड भएकोमा पछिल्लो गणनामा नयाँ प्रजातिका चराको रेकर्ड भएको पोखरा पंछि समाजका पूर्व अध्यक्ष मनशान्त घिमिरेले जानकारी दिए । नेपालमा ९ सय ३ प्रजातिका चरा पाइन्छन् ।
पोखरामा पाइने चराहरूमा विश्वमा सङ्कटमा परेका ५ प्रजाति, अति सङ्कटापन्न ६ प्रजाति, सङ्कटापन्न ४ प्रजाति रहेका छन् । संवेदनशील प्रजातिका ५ प्रजाति रहेका छन् । यसै गरी राष्ट्रिय स्तरमा अति सङ्कटापन्न १६, सङ्कटापन्न १५, संवेदनशील ३३ प्रजातिका चरा पोखरामा रेकर्ड भएका छन् ।
पोखराका ९ ताल, नदी, खोला किनार र वनमा पाइने चरा समेत गरेर पोखरा उपत्यकामा अहिले सम्म ५ सय ४१ प्रजातिका चरा अभिलेक भएका हुन् । पोखरा उपत्यका सिकारी चराकालागि स्वर्ग मानिन्छ । पोखरामा दक्षिण एसियामा पाइने ९ प्रजातिकै गिद्ध र नेपालमा पाइने ६ प्रजातिकै गोमायु महाचिल पाइन्छन् ।
नेपालमा चरा हेर्नकैलागि पनि चरा आउने गर्दछन् । बेलायत, डेनमार्क, अमेरिका लगायतका देशबाट चरा हेर्न नेपालमा पर्यटक आउँछन् । पछिल्लो समयमा चीन, मलेशिया, सिंगापुर, थाइल्याण्डबाट चराको अवलोकन र तस्विर खिच्नैकालागि पनि नेपालमा पर्यटक आउने गर्दछन् । पर्यटकीय राजधानी पनि चरा पर्यटनकालागि पर्यटकको आकर्षक गन्तव्य हो । अन्नपूर्ण संरक्षण क्षेत्र पनि पदयात्रा पर्यटनको साथै चराको अवलोकनकालागि पनि पर्यटक आउने गर्दछन् ।
अन्नपूर्ण हिमालको काखमा रहेको फेवातालको उत्पत्तिको इतिहास निकै रोचक छ। यसको वैज्ञानिक इतिहास खोज्न करिब १२ हजार वर्ष अघिसम्म… 
तराई क्षेत्रमा जलवायु अनुकूलित धान उत्पादन बढाउन दक्षिण कोरिया सरकारले करिब २ अर्ब रुपैयाँ बराबर अनुदान सहयोग गर्ने भएको… 
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
काठमाडौंः विश्वमै दुर्लभ ध्वाँसे चितुवाको संरक्षणका लागि विद्यार्थीहरूले जनचेतना अभिवृद्धि गर्दै यसको सम्भावित वासस्थान क्षेत्रबाट प्लास्टिकजन्य फोहोर सङ्कलन गरेका…