पदयात्रा पर्यटनकालागि प्रख्यात अन्नपूर्ण संरक्षण क्षेत्रबाट ६० टन बढी फोहोर संकलन गरिएको छ । संकलित फोहोर पुन: प्रयोगकालागि पोखरास्थित ग्रिन रोड वेस्ट म्यानेजमेन्ट प्रालिमा पठाइएको अन्नपूर्ण संरक्षण क्षेत्र आयोजनाका सब इन्जिनियर रामजी आचार्यले बताए ।
अन्नपूर्ण संरक्षण क्षेत्रमा यस अघि आर्थिक वर्ष २०८१÷०८२ मा ३१.६ टन संकलन गरिएको थियो । आर्थिक वर्ष २०८२÷०८३ मा ६२.८ टन फोहोर बर्गिकरण गरी संकलन गरिएको हो । अन्नपूर्ण संरक्षण क्षेत्रको ल्वांङ, घान्द्रुक, जोमसोम, मनाङ, मनाङ लगायतका क्षेत्रबाट फोहोर संकलन गरिएको हो । आयोजनाको प्राविधिक सहयोगमा सम्बन्धित गाउँपालिका, संरक्षण क्षेत्र व्यवस्थापन समिति तथा सरोकारवालाहरुसंग समन्वय र पर्यटन व्यवस्थापन समिति, वन व्यवस्थापन समिति ,स्थानीय आमा समूह लगायत विभिन्न समूहले फोहोर संकलन गरेका थिए । यसरी संकलन गरिएका फोहोर ५५ वटा गाडीमा पोखरा ल्याएर ग्रिन रोड वेस्ट म्यानेजमेन्ट प्रालिलाई पुन प्रयोगकालागि उपलब्ध गराइएको आयोजनाका अधिकारीले बताएका छन् ।
अन्नपूर्ण संरक्षण क्षेत्रबाट संकलन गरिएको फोहोर । तस्विर : अन्नपूर्ण संरक्षण क्षेत्र आयोजना ।
संरक्षण क्षेत्रबाट पोखरा ल्याइएका फोहोरहरूमा ४५.१ टन सिसाजन्य, ५.२६ टन धातुजन्य र ११.७२ टन प्लास्टिकजन्य फोहोर रहेको अन्नपूर्ण संरक्षण आयोजनाका प्रमुख डा रविन कडरियाले जानकारी दिए । अन्नपूर्ण संरक्षण क्षेत्रमा यसरी संकलन गरिएका फोहोरहरू सुरक्षित राख्नकालागि विभिन्न स्थानमा फोहोरमैला संकलन केन्द्रहरू पनि निर्माण गरिएको छ । यस वर्ष १२ स्थानमा फोहोर संकलन केन्द्र स्थापना गरिएको पनि बताइएको छ । फोहोरमैला मुक्त अन्नपूर्ण क्षेत्र अभियान अन्तर्गत अन्नपूर्ण संरक्षण क्षेत्र आयोजनाले मुख्य पर्यटकीय क्षेत्र तथा पदयात्रा मार्गको फोहोरमैला व्यवस्थापन सुरुवात गरेको जनाएको छ ।
अन्नपूर्ण संरक्षण क्षेत्रबाट संकलन गरिएको फोहोर । तस्विर : अन्नपूर्ण संरक्षण क्षेत्र आयोजना ।
आयोजनाले सम्बन्धित गाउँपालिका, संरक्षण क्षेत्र व्यवस्थापन समिति तथा सरोकारवालाहरुसंग समन्वय र पर्यटन व्यवस्थापन समिति, वन व्यवस्थापन समिति, आमा समूह, पर्यटन व्यवसायी र स्थानीय समुदायलाई परिचालन गरेर स्रोतमै फोहोमैला बर्गिकरण समेत गरिएको आचार्यले बताए । यसरी स्रोतमै सिसाजन्य, प्लास्टिकजन्य तथा धातुजन्य फोहोरलाई छुट्टाएर अलग्गै प्याक गरी गाडीबाट ढुवानी गरिएको थियो । अन्नपूर्ण संरक्षण क्षेत्र आयोजनाले यस अभियानमा सहयोग गर्दै आएको छ । गाउँपालिकाहरूले संकलन, समुदाय परिचालन लगायत कार्यमा सहयोग गर्दै आएको जनाइएको छ । आयोजनाले बर्गिकरण गरिएको फोहोर व्यवस्थापन गर्न पोखरास्थित ग्रिन रोड वेस्ट म्यानेजमेन्ट प्रालि संग सम्झौता गरेको छ ।
अन्नपूर्ण संरक्षण क्षेत्रबाट संकलन गरिएको फोहोर । तस्विर : अन्नपूर्ण संरक्षण क्षेत्र आयोजना ।
अन्नपूर्ण हिमालको काखमा रहेको फेवातालको उत्पत्तिको इतिहास निकै रोचक छ। यसको वैज्ञानिक इतिहास खोज्न करिब १२ हजार वर्ष अघिसम्म… 
तराई क्षेत्रमा जलवायु अनुकूलित धान उत्पादन बढाउन दक्षिण कोरिया सरकारले करिब २ अर्ब रुपैयाँ बराबर अनुदान सहयोग गर्ने भएको… 
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
काठमाडौंः विश्वमै दुर्लभ ध्वाँसे चितुवाको संरक्षणका लागि विद्यार्थीहरूले जनचेतना अभिवृद्धि गर्दै यसको सम्भावित वासस्थान क्षेत्रबाट प्लास्टिकजन्य फोहोर सङ्कलन गरेका…