पोखरा : हरितालिका (तीज) पर्व बुधबार देखि सुरु भएको छ । आज दर खाएर तीज मनाइँदै छ । दर खाने दिनसँगै चार दिन तीज पर्व नेपाली महिलाले मनाउँछन् । माइतीले चेलीबेटीलाई बोलाइ दर खुवाउने परम्परा अनुसार माइतीमा गएर दर खान यति बेला चेलीबेटीलाई हतारो छ । कोरोना सङ्क्रमण अझै नहराएको र झन् छिटो फैलने नयाँ भेरियन्टको भाइरस फैलिएकोले स्वास्थ्य सतर्कता अपनाएर चेलीबेटीले तीज मनाउनु पर्नेछ ।
तीजमा दिदी बहिनी, आमाहरूले वर्ष दिनभर आफूलाई परेको दुःख, पिर, मर्कालाई गीतका माध्यमबाट पोख्ने गर्दछन् । आफू जन्मेहुर्केको घरबाट कर्म घरमा गई बस्दा पाएका सुख, दुःख गीतकाे माध्यमबाट महिलाले तीजमा सार्वजनिक गर्दै आएका छन् । नेपाली परम्परागत शैलीमा मनाइने तीज पछिल्लो समयमा भने नेपाली माैलिकता हराउँदै गएको छ ।
पछिल्लाे समयमा तीज पर्वमा तड्क, भडक देखिएकाे छ । नेपाली संस्कृतिलाई नै विकृतिका रूपमा लैजाने हाे कि भन्ने चिन्ता भएकाे नागरिक समाज पोखराका पूर्व संयोजक विष्णुहरि अधिकारी बताउँछन् । तड्क, भडक र तीजका नाममा उच्छृङ्खलता र मौलिक गीतको सट्टा विकृति भित्रिदै गएकाे उनले सुनाए । विकृति रोकेर सभ्य र मौलिक रूपमा तीज मनाउनु पर्नेमा उनी जोड दिन्छन् ।
हरितालिका तीज पर्वका अवसरमा पशुपतिनाथ लगायत देशभरका शिवालयमा महिलाको भीड लाग्ने गर्दछ । कोरोना फैलन त्रासले भने यति बेला धेरै शिवालय बन्द छन् । पर्यटकहरू दिदीबहिनीहरू सँगै तीज गीतमा रमाएर नाच्दथे । यति बेला कोरोना सङ्क्रमणका कारण पर्यटन उद्योग नै सङ्कटमा परेको छ । कोरोना फैलनबाट रोक्न तीज पर्व पनि खुम्चिएर घर मै मनाउनु परेको छ ।
तस्बिरमा पाेखराकाे लामाचाैरमा काेराेना सङ्क्रमण अघिकाे तीज महाेत्सवमा रमाउदै पर्यटक ।
हिमालपारिका जिल्ला मनाङ र मुस्ताङ रेन स्याडो जोन अर्थात् न्यूनवर्षा हुने जिल्लामा पर्छन् । यसैले यहाँका घरहरूका छत माटोले… 
हिमालयपारिका जिल्ला मनाङ र मुस्ताङ प्राकृतिक रूपमा वृष्टि छाया क्षेत्रमा पर्छन्। यी जिल्लाहरूमा वर्षा नहुनुको मुख्य कारण पहाडको भौगोलिक… 
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
भूगोलविद् डा. हर्कबहादुर गुरुङ र संरक्षणविद् डा. चन्द्रप्रसाद गुरुङको सम्झनामा बेल्जियममा २०औँ स्मृति दिवस मनाइएको छ। २० वर्षअघि ताप्लेजुङको… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,…