नेपालमा पछिल्लो समयमा निकै चर्चामा रहेको मिलिनियम च्यालेन्ज कर्पोरेसन (एमसीसी) की उपाध्यक्ष फातिमा सुमार काठमाडौं आएकी छन् । संसद्बाट एमसीसी पास गर्ने वा नगर्ने बहस चलिरहेको बेला उपाध्यक्ष सुमार नेपाल आएकी हुन् । एमसीसीको विषयमा नेपालमा अहिले पक्ष र विपक्षमा बहस भइरहेको छ ।
नेपालको चारदिने भ्रमणकालागि आएकी उपाध्यक्ष फातिमाले शीर्ष नेताहरु संग भेट्ने कार्यसूची रहेको छ । नेपालमा अमेरिकी अनुदान सहयोग सम्बन्धी एपसीसी परियोजनाको प्रगति बुझ्ने सिलसिलामा उपाध्यक्ष सुमार काठमाडौं आएको बताइएको छ । नेपालका पार्टीहरुमा एमसीसी परियोजना स्वीकार गर्ने कि नगर्ने भन्ने बहस भइरहेको बेला भएको सुमारको भ्रमणलाई चासोका साथ हेरिएको छ ।
नेपाल बसाइँको क्रममा उपाध्यक्ष सुमारले एसीसी परियोजना कार्यान्वयनको अस्थाबारे प्रधानमन्त्री शेरबहादुर देउवा, अर्थमन्त्री जनार्दन शर्मालगायत विभिन्न राजनीतिक दलका शीर्ष नेताहरुसँग भेटघाट गर्ने कार्यक्रम छ ।
विरोधमा प्रदर्शन
एपसीसी उपाध्यक्षको आगमन भइरहदा परियोजनाको विरोधमा काठमाडौंमा प्रदर्शन भएको छ । त्रिभुवन अन्तर्राष्ट्रिय विमानस्थल बाहिर मिलिनियम च्यालेन्ज कर्पोरेसनको विरोधमा उत्रिएका युवालाई प्रहरीले पक्राउ गरेको हो । उनि बिहान कतार एयरको जहाजबाट त्रिभुवन विमानस्थल आइपुगेकी थिइन् ।
सन् २०१९ मा नै कार्यान्वयनमा आउनुपर्ने एमसीसी परियोजना नेपालमा अझै अगाडि बढ्न सकेको छैन । एमसीसी अमेरिकी सैन्य गठबन्धन र सुरक्षा रणनीतिसँग यसको सम्बन्ध रहेको भन्दै नेपालमा विरोध भइरहेको छ । हालै नेपाल सरकारले स्पष्ट हुन खोजेका विषयमा एमसीसीले जवाफ पठाएर एमसीसी अमेरिकी सैन्य गठबन्धन वा सुरक्षा रणतीनिसँग यसको सम्बन्ध नभएको जनाएको छ ।
पोखरा : जलवायु परिवर्तनका कारण हिमाली क्षेत्रमा प्रकृति प्रकोपका घटना बढ्न थालेको विषयमा पोखरामा सम्पन्न भएको अन्नपूर्ण जलवायु सम्मेलनले… 
गण्डकी जलाधार जलवायु उत्थानशील आयोजना अन्तर्गत गण्डकी नदी बेसिनको जल मोडेल समायोजन विषयमा सरोकारवाला संग बुधबार पोखरामा साझेदारी गोष्ठी…