चीन र नेपालको सीमानाका कोरलानाकामा पुग्यो बस

चीन र नेपालको सीमानाका कोरलानाकामा पहिलो पटक यात्रु बस पुगेको छ । चीनको स्वशासितक्षेत्र तिब्बत र नेपालतर्फ उपल्लो मुस्ताङको सीमानाका कोरलानाकामा आन्तरिक पर्यटक लिएर बुधबार मुस्ताङ मुक्तिनाथ यातायात प्रालिको ग १ ख ७३३४ नम्बरको बस पुगेको हो ।

यात्रु बस कोरलानाकामा पुगेपछि उपल्लो मुस्ताङ्का स्थानीयमा खुशी छाएको छ । पर्यटक आगमनमा बृद्धि हुने विश्वासमा उपल्लो मुस्ताङका स्थानीय खुशी भएका हुन् । बुधबार मुस्ताङ यातायात प्रालिले उपल्लो मुस्ताङमा बस सञ्चालनको परिक्षण गरेको हो । बस चालक प्रकाश आलले नियमीत बस सञ्चालनकालागि सडक स्तरोन्नति गर्नु पर्ने बताएका छन् । ठाउँ ठाउँमा मोटरेबल पुल निर्माण पनि हुन सके बाह्ै महिना बस सञ्चालन गर्न सकिने उनले बताएका छन् । काेरलानाकामा पुगेका पर्यटकले २४ नम्बरकाे सीमा पील्लर देखिने गरी तस्बिर खिचाएका थिए ।

पहिलो पटक कोरलानाकामा बस पुग्दा स्थानीयले बस चालक र पर्यटकलाई खादा लगाएर स्वागत गरे । जोमसोम—कोरला सडक मार्ग ११० किमी हो । यस सडकको भौतिक प्रगति ९० प्रतिशत सम्पन्न भएको आयोजनाका निमित्त प्रमुख आश्विनी कुमार यादवले बताएका छन् । समाचार तस्बिर : छिरिङ फेन्जाे गुरुङ