देशभर हैजा संक्रमितको संख्या २५ पुगेको छ । पानीमा दिशाजन्य पदार्थको मिश्रण हुँदा मानिसमा हैजा देखिने गर्दछ । यसरी हैजा संक्रमितको संख्या बढ्दै गएपछि विज्ञहरुले निर्मलीकरण गरेको पानी मात्रै पिउन सुझाएका छन् ।
ललितपुरमा थप दुई जनामा हैजा पुष्टि भए संगै संक्रमितको संख्या २५ पुगेको स्वास्थ्य तथा जनसंख्या मन्त्रालयको इपिडिमियोलोजी तथा रोग नियन्त्रण महाशाखाले जनाएको छ । संक्रमण हुने जिल्लामा काठमाडौं उपत्याकाका दुई जिल्ला काठमाडौंको टोखाका १ जनामा र ललितपुर जिल्लाको गोदावरी, ग्वार्को, इमाडोल लगायत बिभिन्न स्थानमा १६ जनामा हैजा संक्रमण देखिएको ईडीसीडीले जनाएको छ ।
कैलाली जिल्लाको धनगढी उपमहानगरपालिकाको ८ जनामा हैजा संक्रमण पुष्टि भएको छ ।
हैजा जीवाणु, ब्याक्टेरिया मार्फत हुने एक किसिमको संक्रमण हो । यसले पखाला लाग्ने र शरीरमा पानीको मात्रा कमी हुन्छ । रोगको बलैमा उपचार गरे सजिलै निको हुन्छ । तर बेलैमा उपचार नगरिए केही घण्टामै पनि ज्यान जान सक्छ । विश्व स्वास्थ्य संगठनले हैजालाई गरिबीको रोग भनी व्याख्या गरेको छ । आधारभूत सरसफाइ नभएका ठाउँमा बस्ने मानिसहरुलाई बढी संक्रमण देखिएको छ । सफा पनी र आधारभूत सरसफाई समेत नहुनुलाई यसरी अथ्याइएको हुन सक्छ ।
अफ्रिका र एशिसाका विभिन्न देश तथा क्यारिबीअन क्षेत्रको हेइटीमा यसबाट बढी प्रभावित हुने गरेको पाईको छ । विश्व स्वास्थ्य संगठनको अनुसार प्रत्येक वर्ष अनुमानित १३ देखि ४० लाख बिरामीहरु देखिने र विश्वभर २१ हजार देखि १ लाख ४३ हजार सम्म मानिसहरुको मृत्यु हुने गरेको छ ।
हैजाको संक्रमण भएपछि कस्ता लक्षण् देखिन्छ त ?
पखाला लाग्ने, सेतो पातलो दिसा हुन्छ । घण्टौंंसम्म बान्ता हुनु पनि अर्को लक्षण हो । पेट दुख्ने, खुट्टा दुख्ने पनि हुन्छ । यस्तो लक्ष्ण देखिएको केही समयमा शरीरमा पानीको कमी हुन्छ र गम्भीर अवस्थामा पनि पुग्ने अवस्था आउँछ । शरीरमा पानीको मात्र कम हुदा थकाइ लाग्ने, आँखा गाडिनु, मुख सुख्खा हुनु पिसाब नलाग्ने, रक्ताचाप कम हुने लगायतका लक्षण देखा पर्छ ।
उपचार
हैजाको उपचार मुख्य त शरीरमा पानीको मात्रा बढाउनु हो । यसकालागि जीवनजल लगायतका पदार्थ प्रशस्त पिउनु पर्छ । एउटा प्याकेटमा भएको पाउडरलाई एक लिटर सफा पानीमा मिसाएर धेरै भन्दा धेरै पानी पिउनु पर्छ । घरमै पनि नुन र चिनीको मात्रा मिलाएर पनि जीवनजल बनाउन सकिन्छ । घरमा बनाउँदा एक लिटर पानीमा ६ चम्चा चिनी र एक चम्चा नुन मिसाएर बनाउनुपर्छ । जटील अवस्थामा पुगेका बिरामीलाई थप उपचार पर्नु पर्ने हुन्छ । पखालाको अवधि घटाउनकालागि बिरामीलाई चिकित्सकले अवस्था हेरेर एन्टिबायोटिक औषधि पनि दिन्छन् ।
सोलुको हिमाली क्षेत्रमा दुइवटा हिमताल विस्फोटको कारण अत्यधिक तापक्रम वृद्धि भएको हिमताल विफोटपछि अवलोकनमा पुगेका राष्ट्रिय विपद न्यूनीकरण तथा… 
अचेल हामी मानिसहरू हरेक पल अलिअलि गर्दै पृथ्वीको जलवायु परिवर्तन गर्दैछौं। गर्मी याममा तापक्रम बढ्दै जानु, पहिलेभन्दा धेरै पानीमिश्रित आँधी… 
यस वर्ष विपदबाट छाेटाे समयमा ठूलाे धनजनको क्षति भएको छ । मनसुन भित्रिए यता बाढी, पहिरोलगायत विपदबाट एक सय… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
पंक्षी जन्तु जगतमा पर्ने, प्वाँख, चुच्चो र पखेटा भएका प्राणीको समुह हो । मानव जातिसँग निकटतम सम्बन्ध भएका यी… 
पोखरा : अन्नपूर्ण संरक्षण क्षेत्रबाट अवैधरुपमा निगालोका टुसा संकलन गरी चोरी निकासी गर्ने सवारी साधनलाई प्रहरीले नियन्त्रणमा लिएको छ… 
सहरीकरण संगै चराका प्राकृतिक बासस्थान र चरा मैत्री पुराना घरहरू हराउँदै गएपछि चराको बासस्थान पुन: स्थापना गर्न कास्की र… 
मकवानपुर गाउँपालिका ६ प्रतापपुरका किसान बलबहादुर राईको गोठमा बाँधेको भैँसीले बिहीबार बिहान बाघ मारेको घटनाको समाचार आएपछि बाँधेको भैसीले…