सहरीकरण संगै चराका प्राकृतिक बासस्थान र चरा मैत्री पुराना घरहरू हराउँदै गएपछि चराको बासस्थान पुन: स्थापना गर्न कास्की र स्याङ्जा जिल्लामा लाटोकोसेरोकालागि कृत्रिम गुँड बनाइएको छ ।
तीन दशक देखि लाटोकोसेरो लगायत वन्यजन्तु संरक्षण क्षेत्रमा कामगर्दै आएको प्रकृतिका साथीहरू नामक संस्थाले पछिल्लो समयमा सहरबाट लाटोकोसेरो मैत्री घर र बासस्थान हराउँदै गएपछि लाटोकोसेरोकालागि गुँड बनाएको हो । प्रकृतिका साथीहरू नामक संस्थाको सक्रियतामा कास्कीमा ९० र स्याङ्जा जिल्लामा १० वटा गरी १ सय गुँड बनाएर लाटोकोसेरो बढी सक्रिय हुने क्षेत्रमा राखिने संस्थाका निर्देशक राजु आचार्यले जानकारी दिए ।
पहिले पहिले ढुङ्गा माटोका घरको पछाडी खोपीहरू बनाइन्थ्यो । ती नै खोपीमा विभिन्न प्रजातिका चराले गुँड बनाएर बचेरा हुँकाउँथे । घर वरपरै विभिन्न स्थानीय प्रजातिका रुखहरू हुन्थे ती रुखहरू पनि चराका बासस्थान र गुँड बनाएर बचेरा हुँकाउने चराका घर हुन्थे । सहरीकरण संगै पुराना चरा मैत्री घरहरू हराउँदै गएका छन् । पछिल्लो समयमा बनेका आरसिसी घरहरू चरामैत्री नबनाइँदा पनि यो समस्या आएको छ । चरामैत्री स्थानीय जातका गिदरी, पाखुरी, सिमल लगायतका रुखहरू मासिँदै गएपछि चराकालागि बासस्थान संकट पर्दै गएको छ । सहरी क्षेत्रमा चराकालागि बासस्थान मात्र होइन शुद्ध आहाराको पनि कमी हुँदै गएको छ ।
चरालाई पर्दै गएको विभिन्न संकट मध्ये बासस्थान अभाव झेलेका लाटोकोसेरोकालागि लक्षित गरेर एक सय गुँड बनाएर कास्की र स्याङ्जाका विभिन्न ठाउँमा राखिने भएको हो । लाटोकोसेरोको बढी गतिविधि हुने क्षेत्रमा स्थानीय संग अनुमति लिएर गुँड राखिने प्रकृतिका साथीहरू नामक संस्थाका निर्देशक आचार्यले बताए । यसरी बनाएर राखिएका गुँडमा लाटोकोसेरो आएर बसुन् भन्ने हो । अरू चरा आएर बसेपनि खुसीको कुरा रहने निर्देशक आचार्यले बताए । लाटोकोसेरो संरक्षणकालागि गुँड बनाउनुको साथै लाटोकोसेरो लगायत अन्य चरा, वन्यजन्तु संरक्षणकालागि जनचेतना कार्यक्रम पनि गरिने छ ।
चरा संरक्षणकालागि स्थानीय स्तरमा जनचेतना जगाउन गण्डकी प्रदेशमा लाटोकोसेरो संरक्षणदूत पनि छनोट भइसकेको छ । संरक्षणदूतकै समन्वयमा दुई हप्ताभित्र गुँडहरू राख्ने गरी तयारी गरिएको आयोजकले बताएका छन् । जनचेतना कार्यक्रम अन्तर्गत बुढा रुखहरूको संरक्षण, गुलेली प्रयोग गरी चरा मार्न रोक्न स्थानीय, विद्यार्थी र समुदायमा संरक्षण शिविर सञ्चालन गरिने छ । वन्यजन्तु, चराचुरुङ्गी चोरी सिकारी नियन्त्रणको साथै सरोकारवालाहरूको क्षमता अभिवृद्धिका लागि सहजीकरण गरिने बताइएको छ ।
संरक्षणकालागि यस अघि नै केशव सापकोटा, बालकुमार गुरुङ, सुदर्शन पराजुली, आयुष ढुंङ्गना, ज्योति शर्मा र दीपा गुरुङलाई संरक्षण दूतको कार्यभार दिइएको छ । संरक्षण दूतले एक वर्षसम्म स्वयंसेवकका रुपमा लाटोकोसेरोको अध्ययन तथा संरक्षणमा योगदान गर्ने जनाइएको छ । यसअघि उनीहरूको क्षमता अभिवृद्धिकालागि तालिमसमेत दिइएको थियो ।
सोलुको हिमाली क्षेत्रमा दुइवटा हिमताल विस्फोटको कारण अत्यधिक तापक्रम वृद्धि भएको हिमताल विफोटपछि अवलोकनमा पुगेका राष्ट्रिय विपद न्यूनीकरण तथा… 
अचेल हामी मानिसहरू हरेक पल अलिअलि गर्दै पृथ्वीको जलवायु परिवर्तन गर्दैछौं। गर्मी याममा तापक्रम बढ्दै जानु, पहिलेभन्दा धेरै पानीमिश्रित आँधी… 
यस वर्ष विपदबाट छाेटाे समयमा ठूलाे धनजनको क्षति भएको छ । मनसुन भित्रिए यता बाढी, पहिरोलगायत विपदबाट एक सय… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
पंक्षी जन्तु जगतमा पर्ने, प्वाँख, चुच्चो र पखेटा भएका प्राणीको समुह हो । मानव जातिसँग निकटतम सम्बन्ध भएका यी… 
पोखरा : अन्नपूर्ण संरक्षण क्षेत्रबाट अवैधरुपमा निगालोका टुसा संकलन गरी चोरी निकासी गर्ने सवारी साधनलाई प्रहरीले नियन्त्रणमा लिएको छ… 
सहरीकरण संगै चराका प्राकृतिक बासस्थान र चरा मैत्री पुराना घरहरू हराउँदै गएपछि चराको बासस्थान पुन: स्थापना गर्न कास्की र… 
मकवानपुर गाउँपालिका ६ प्रतापपुरका किसान बलबहादुर राईको गोठमा बाँधेको भैँसीले बिहीबार बिहान बाघ मारेको घटनाको समाचार आएपछि बाँधेको भैसीले…