विश्व सिमसार दिवस २०२१ को अवसरमा पोखराको फेवाताल देखि गुँदे ताल सम्म साइक्लिङ्ग गरिएको छ । सिमसार क्षेत्र संरक्षण गरौं भन्ने सन्देश सहित पाेखराकाे सबैभन्दा ठुलाे फेवाताल देखि गुँदे ताल सम्म साइक्लिङ्ग यात्रा गरिएकाे हाे ।
अन्नपूर्ण संरक्षण क्षेत्र, सम्पर्क कार्यालय, अन्नपूर्ण संरक्षण क्षेत्र आयोजना र पोखरा साइकल सिटीद्धारा संयुक्त रुपमा आयोजित उक्त कार्यक्रममा आयोजक संस्थाका कर्मचारीहरु र पोखरा साइकल सिटीका सदस्यहरु लगाएत ५० जनाले साइक्लिङ्ग गरेका थिए । सहभागीहरुले विभिन्न सन्देशमुलक प्लेकार्ड बोकेर जनचेतना जगाउने काम गरेका थिए । हल्लनचोक स्थित डुङ्गा घाटबाट सुरु भएको उक्त कार्यक्रम पृथ्बीचोक, बिजयपुर हुँदै गँुदे तालमा पुगेर समापन भएको थियो । साइक्लिङ्ग कार्यक्रमका सहभागीहरुलाई गुँदे ताल संरक्षण समिति र स्थानीय समुदायहरुले स्वागत गरेका थिए ।
गुँदे तालमा पुगेपछि सिमसारकाे महत्वका बारेमा छलफल भएकाे थियाे । कार्यक्रमको आयोजक संस्था अन्नपूर्ण संरक्षण क्षेत्र, सम्पर्क कार्यालय पोखराका प्रमुख अमृत शर्माले कार्यक्रमको उद्देश्य सिमसार क्षेत्र संरक्षणमा जनसहभागीता जुटाउनु रहेकाे बताए ।
सिमसार संरक्षण साथै रामसारमा सुचिकृत पोखरा उपत्यकाका ९ वटै तालहरुलाई साइकल लेनबाट जोडने र आन्तरिक तथा बाह्य पर्यटकहरुका लागि साइक्लिङ्गको गन्तब्यको रुपमा विकास गर्न सकिने पनि उनले सुनाए । मानिसका लागि मृगौलाको जस्तो महत्व हुन्छ पारिस्थितिकीय प्रणलीमा सिमसारको त्यस्तै महत्व रहने भएकोले यसको संरक्षणमा सबैले हातेमालो गर्नुपर्ने पनि बताए । साइक्लिङ्ग कार्यक्रमले वातावरण मैत्री जीवन यापन गर्न सकिने सिमसार संरक्षण र स्वथ्य जीवनमा टेवा पुग्छ भन्ने सन्देश दिएको पनि उनले वताए । कार्यक्रममा साइकल सिटीका निवर्तमान अध्यक्ष प्रकाश बज्राचार्यले आँफुहरुले पोखरालाई साइकलको सहरको रुपमा विकास गर्नुपर्छ भनेर निरन्तर रुपमा वकालत गर्दै आएको बताए ।
सन् १९९७ देखि हरेक वर्ष फेब्रुवरी २ मा यो दिवस मनाउदै आइएको छ । यस वर्षको विश्व सिमसार दिवसको थिम Wetlands and water-inseparable and vital for life भन्ने थियो भने नेपालमा “पानी र सिमसार, जीवनको अभिन्न आधार” भन्ने नाराका साथ मनाइएको थियो । सन् १९७१ फेब्रुअरी २ मा इरानको रामसार सहरमा सिमसार सम्बन्धि अन्तराष्ट्रिय अभिसन्धी भएकोे थियो । त्यसै दिनको सम्झनाम हरेक बर्ष यो दिवस मनाउने गरिन्छ । नेपालमा यो सन्धी १७ अप्रिल १९८७ देखी कार्यान्वयनमा आएको हो ।
रामसार महासन्धिका अनुसार हालसम्म १७१ राष्ट्रहरु यसको पक्ष राष्ट्रको रुपमा अभिसन्धीमा आबद्ध छन भने २४१६ वटा अन्तराष्ट्रिय महत्वका सिमसार क्षेत्रहरु रामसारमा सुचीकृत भएका छन् । नेपालमा कोशी टापु, बिस हजारी, घोडाघोडी, गोक्यो, गोसाइकुण्ड, जगदिशपुर, माई पोखरी, फोक्सुण्डो, रारा र पोखरा उपत्यकका तालहरु सहित जम्मा १० वटा रामसार साइटहरु रहेका छन् । नेपालका १० वटा रामसार क्षेत्रहरुले जम्मा ६०,५६१ हेक्टर क्षेत्रफल ओगटेका छन् ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण… 
सन् २००० अघि सम्म हिउँको थुप्रो मात्र रहेको कास्कीको मादी गाउँपालिका सिक्लेस स्थित हुँगु क्षेत्रको हिउँको थुप्रो त्यसपछिका वर्षमा… 
नेपाल प्रहरी प्रधान कार्यालय केन्द्रीय अनुसन्धान ब्यूरो र डब्लु डब्लु एफ नेपाल बीच समझदारी पत्रमा हस्ताक्षर भएको छ ।… 
एशियाको जलभण्डार — हिन्दुकुश हिमालय — जोगाउने र जगाउने उपायबारे पोखरामा शुक्रबार देखि ४ दिन मन्थन हुँदै छ ।… 
पोखरा : ‘सिक्लेसैको सेतो टापी अन्नपूर्ण हिमाल’, शिर्षकको संरक्षण म्युजिक भिडियो पोखरामा सार्वजनिक गरिएको छ । प्रकृति, जैविक विविधता,… 
नेपालमा बाघको संख्या कति छ भन्ने तथ्यांङ्क सकलन गरी संरक्षणमा योजना बनाउन पुस ३ गते देखि सुरु भएको बाघ… 
नेपालमा तिब्बती खैरो भालुको अनुवंशिक पहिचान पुष्टि भएको छ । पोखराका ऋषि बरालले तिब्बती खैरो भालु (Brown Bear) को…