सडकमा पैसा भेटियाे । त्याे पनि ५० हजार रुपैयाँ । अब के गर्ने ? यस्ताे बेलामा धेरैले आआप्नै तर्क, योजना बनाउलान । कसैले सडकमा भेटिएको पैसा त हो भन्दै आफै केमा खर्च गर्ने भन्ने योजना बुन्लान । त कसैले पैसा खसाल्ने मान्छे आफू नै भए कस्तो होला ? भन्ने प्रतिप्रश्न आफैलाई गर्लान फिर्ता गर्ने योजना बुन्लान । हो पोखरा ६ बैदामकी सृजनाले हराएको मान्छे भेटेर पैसा फिर्ता दिने योजना बुनिन् ।
पोखरा ६ बैदाम शान्तिपथ मार्गमा साउन १८ गते स्थानीय सृजना पराजुली बरालले नगद ५० हजार रुपैयाँ भेटिन । भेटिएको उक्त रकम सुरुमा फेसबुक ग्रुपहरुमा हराउने सम्म खवर पुगाेस भनेर फेसबुकमा राखिन। फेसबुकमा राख्दा कोही प्रमाण लिएर पैसा लिन आइपुगेन । त्यसपछी सृजनाले प्रहरीलाई बुझाएकाे बताएकी छन् ।
लेकसाइड शान्ति पथकी मनकारी सृजना पराजुली बरालले भेटेको उक्त रकम जिल्ला प्रहरी कार्यालय कास्कीका प्रमुख प्रहरी उपरीक्षक रमेश थापा र कास्की प्रहरी प्रवक्ता प्रहरी नायव उपरीक्षक सुवास हमाललाई हस्तान्तरण गरेकी हुन् । उक्त रकम स्कुटरबाट खसेको बरालले उल्लेख गरेकी छन् ।
बरालले सडकमा भेटेको भन्दैमा अरूको पैसा आफै प्रयोग नगर्न पनि सुझाइन् । कसैको समान भटे फिर्ता गर्न पनि उनले सबैमा आग्रह समेत गरिन । उक्त रकम जिल्ला प्रहरी कार्यालय कास्कीमा राखिएको छ । प्रमाण सहित लिन आउने सम्बन्धित व्यक्तिलाई ५० हजार रुपैयाँ फिर्ता गरिने कास्की प्रहरी प्रवक्ता हमालले बताए ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…