अविरल वर्षाका कारण देशका विभिन्न स्थानमा बाढीपहिरोका कारण धन, जनको क्षति भएको छ । पहाडी र तराईका जिल्लामा वर्षाका कारण बाढीपहिरो जाँदा हिमाली जिल्ला मनाङ मुस्ताङमा भने शुक्रबारदेखि हिमपात भएको छ ।
हिमपातका बिच पदयात्रामा रहेका पर्यटक मनाङ हुँदै ५ हजार ४ सय १६ मिटर उचाइको थोरङ्ला पास गरेर मुस्ताङ पुगेका छन् । हिमपातका कारण चिसो मौसममा चिसो हिउँ छिचोल्दै पर्यटकहरू अन्नपूर्ण संरक्षण क्षेत्रको पदयात्रा गरेका हुन् । पुस, माघ र कहिलेकाहीँ फागुनमा हुने हिमपात यसपटक पहाड र तराईमा ठूलो वर्षा सँगै हिमाली क्षेत्रमा असोजमै हिमपात भएको छ ।
यस अघि २०७१ मा पनि असोजमा हिमपात भएको थियो । त्यति बेला आँधी सहितको हिमपातका कारण धेरै पर्यटकको ज्यान समेत गएको थियो । स्थानीयका अनुसार मनाङ जिल्लाको ङिस्याङ गाउँपालिकाको हुम्डेदेखि माथिल्लो क्षेत्र र नार्पाभूमि गाउँपालिकामा हिमपात भएको हो । हिउँ पर्दा हिमालपारिका नार र फू गाउँ पनि सेताम्मे भएका छन् । हिमपातको कारण केही पर्यटक भने फर्किएका छन् । पर्यटकलाई मौसमी अवस्था बुझेर मात्र अघि बढ्न र अन्यथा सुरक्षित स्थानमा बस्न सुझाएका छन् ।
तस्बिरहरु: टेक घर्ती मगर
अन्नपूर्ण हिमालको काखमा रहेको फेवातालको उत्पत्तिको इतिहास निकै रोचक छ। यसको वैज्ञानिक इतिहास खोज्न करिब १२ हजार वर्ष अघिसम्म… 
तराई क्षेत्रमा जलवायु अनुकूलित धान उत्पादन बढाउन दक्षिण कोरिया सरकारले करिब २ अर्ब रुपैयाँ बराबर अनुदान सहयोग गर्ने भएको… 
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
स्वर्गीय डा चन्द्र प्रसाद गुरुङको संरक्षण दृष्टिकोण र अन्नपूर्ण संरक्षण क्षेत्रसँग जोडिएको इतिहास समेटिएको पुस्तक ‘Caring for the Annapurna’…