पाेखरा : कोरोना संक्रमण नियन्त्रण गर्न सरकारले चैत ११ गते देखि लकडाउन नै लगायो । लकडाउनको समयमा सबैभन्दा मारमा पर्यटन उद्योग पर्ने नै भयो । स्वदेशी र विदेशी पर्यटक आएर होटलमा बस्ने र खाने गरेमात्र चल्ने पर्यटन उद्योग संकटमा पर्ने नै भयो ।
लकडाउन हटे लगतै पनि कोरोना कहरमा पर्यटक आउने कुरा भएन् । हवाई यात्रा सुचारु भए संगै पोखरामा प्याराग्लाइडिङको व्यवसायिक उडान सुरु भयो । नेपाल हवाई खेलकुद संस्थाले प्याराग्लाइडिङ गर्न आन्तरिक पर्यटकलाई आकर्षण गर्न छुट दिने निर्णय गर्याे । सिजनमा प्रति उडान ८ हजार सम्म विदेशी पर्यटकलाई लिने व्यवसायीले कोरोना संक्रमण कालमा स्वदेशी पर्यटकलाई आकर्षण गर्न २५ सय रुपैयाँ सम्ममा उडाउने भए ।
अहिले सम्म प्याराग्लाइडिङ नगरेका पोखरेली भारी छुटमात्र होइन फुर्सदको पनि समयलाई सदुपयोग गर्दै प्याराग्लाइडिङमा निकै आकर्षित भए । कास्की जिल्ला बाहिरका युवायुवतीहरु पनि पोखरामा प्याराग्लाइडिङकै लागि आउन थाले । त्यसपछि काठमाण्डौ, चितवन, बुटवल, भैरहवा लगायत विभिन्न शहरका युवायुवतीहरु आकर्षित भए । यसरी कोरोना संकटको बेलामा आन्तरिक पर्यटक प्याराग्लाइडिङमा रमाउन थालेपछि लामो समय कोरोनाका कारण बन्द रहेको व्यसायमा राहत मिलेको नेपाल हवाई खेलकुद संस्थाका अध्यक्ष कृष्ण भण्डारीले बताए । काेराेना पछि गरिएकाे छुटकाे प्याकेज पछि दैनिक ३ सय सम्म व्यवसायिक उडान भएकाे उनले सुनाए ।
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
स्वर्गीय डा चन्द्र प्रसाद गुरुङको संरक्षण दृष्टिकोण र अन्नपूर्ण संरक्षण क्षेत्रसँग जोडिएको इतिहास समेटिएको पुस्तक ‘Caring for the Annapurna’… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त…