हिउँदमा केटु हिमालको सफल आरोहण गरेर विश्व कीर्तिमान कायम गर्न सफल नेपाली आरोही टिमका लिडर निर्मल पुर्जाले ग्लोबल वार्मिङकाे कारण हिमालको हिउँ पग्लन थालेको बताएका छन् । पोखरामा आयोजित नागरिक सम्मान कार्यक्रममा बोल्दै पुर्जाले ग्लोबल वार्मिङले मानव जीवन अप्ठ्यारोमा पर्ने पनि बताए ।
बेलैमा सचेत भएर तापक्रम कम गर्न ध्यान नदिए मानव जीवन समस्या पर्ने उनले बताए । डायनासोर समय अनुसार एड्जस्ट हुन नसक्दा पृथ्वीबाट लाेप भएकाे पनि उनले सुनाए । ग्लोबल वार्मिङले भोलि मानव जीवन पनि उस्तै गरी सङ्कटमा पर्न सक्ने उनले सुनाए । केटु आरोहणको अनुभव सुनाउँदै आरोही निर्मलले सफलता टुक्रिएर होइन एकतामै मिल्ने पनि बताए । देशको राजनीतिक अस्थिरताले चिन्तित बनाएको हिमाल आरोही पुर्जाले बताए ।
हाम्रो देशमा पोलिटिकल स्ट्याबिलिटी छैन । दाजुभाइ लड्छौँ । केटु हिमाल आरोहण एकताबाट सम्भव भएको सुनाए । हामी आरोही बिच सबैले बराबर दुःख गरेका छौँ । सबैले बराबरी झोला बोकेका छौँ । सबैका जहान परिवार छन् । कुनै एक जना अघि गएर रेकर्ड राख्न भन्दा पनि सबै सँगै गएर देशकालागी रेकर्ड राख्नु पर्छ भन्ने सल्लाह भयो । त्यसै अनुसार हामी अँगालो हालेर एकै पटक सबै शिखरमा पुगेको उनले सुनाए ।
पुर्जाको नाममा ६ महिना ६ दिन अर्थात् १८९ दिनमा ८ हजार मिटर भन्दा अग्ला सबै १४ हिमालको आरोहण गरेर कीर्तिमान कायम गरेका छन्। पुर्जाले अक्टोबर २९ मा चीनको शीशापाङ्गमा हिमाल आरोहण गरेसँगै ‘प्रोजेक्ट पोसिबल’ पूरा गरेका हुन् । यो रेकड कायम गर्न पहिला ८ वर्ष लागेको थियो । विश्वमा १४ वटा ८ हजार भन्दा उच्च हिमाल छन् । ती मध्ये नेपालमा ८ वटा छन् । यसैले नेपाललाई हिमालको घर भनिने सफल हिमाल आरोही पुर्जाले बताए । १४ वटा हिमालमा १३ वटा हिमाल पहिलो पटक चढेको रेकर्ड विदेशीका नाममा छ । हाम्रो नाममा केही थिएन । एउटा बाँकी रहेको भनेको हिउँदमा केटु चढेर नेपालको नाम राख्नु थियो । यसैले हामी दसैँ जना टीमवर्कमा लाग्यो । सफल भयौ उनले भने ।
केटु हिमाल आरोहण सजिलो थिएन । माइनस १६ डिग्री सेल्सियस भनेको निकै कठिन हुन्छ । एक पाइला चढ्दा समस्या हुन्छ । सबै सुख छाडेर भारी बोकेर किन गएको हो भन्ने पनि होला । देशको नाममा, नेपालीको नाममा केही गर्ने हुटहुटीले यो सफलता मिलेको उनले बताए । केटु हिमाल आरोहणका क्रममा गर्मी महिनामा मात्र प्रत्येक ४ जना मध्ये एक जनाको मृत्यु भएको तथ्याङ्क छ । यही हिउँदमा पनि दुई जनाको केटु हिमाल आरोहणका क्रममा मृत्यु भइसकेको उनले सुनाए ।
कार्यक्रममा निर्मलले यस अघि पेन्सन पाक्ने मुखका बेलायती सेनाको जागिर छाडेर १४ वटा हिमाल आरोहण गर्न तयारी गरिरहँदा भोगेका तिता मिठा भोगाई पनि अभिनन्दन कार्यक्रममा बताए । केटु हिमाल यो वर्ष नै किन भन्ने विषयमा पनि उनले बोलेका थिए ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । … 
गण्डकी जलाधार जलवायु उत्थानशील आयोजना अन्तर्गत गण्डकी नदी बेसिनको जल मोडेल समायोजन विषयमा सरोकारवाला संग बुधबार पोखरामा साझेदारी गोष्ठी…