फेवाताल र वरपरका दलदल सिम क्षेत्र यहाँका रैथाने पानी चराको घर त हो नै हिउँदमा साइबेरिया देखि जाडो छल्न आउने विभिन्न प्रजातिका चराको पनि घर हो । रैथाने माछा देखि आयातित माछा, भ्यागुता, जलमा र थलमा बस्ने विभिन्न प्रजातिका जीव, वनस्पतिको पनि फेवा र सिम क्षेत्र घर हो । मान्छेको पनि घर हो फेवा । फेवाताल किनारमा पुस्तौँ देखि बस्दै तालका माछा मारेर जीवन चलाउने जलारी समुदायको फेवा घर जस्तै हो ।
फेवाताललाई बैदाम ताल पनि भनिन्छ । पोखरा बैदामका स्थानीय यही तालको पानी खाएर हुर्केका हुन् । फेवा सिमसार क्षेत्रमै जेठोबुढो धान झुल्छ । फेवाको पानीले नै सिञ्चित भएर बिरौटा फाँटमा जेठोबुढो धान फल्छ । फेवाको पानी बगेर पर्यटक लोभ्याउने पातले छाँगो बनेको छ । तालकै पानीले खोतलेर बनेको छ गुप्तेश्वर गुफा र गुफाबाटै देखिन्छ पाताले छाँगोको सुन्दरता । यति सुन्दर, विशाल घर जसको पानीबाट घर घरमा उज्यालो पुग्ने बिद्युत् पनि निस्केको छ ।
माछापुच्छ्रे, अन्नपूर्ण धौलागिरि हिमालको सौन्दर्यता पस्कने फेवा यति बेला खुम्चिएको छ । तालको पानीको सतह घट्दा ताल सुकेको जस्तै देखिएको छ । ताल सुक्दा प्रकृति प्रेमीहरूको मन चसक्क नहुने कुरै रहेन्। फेवातालमा देखिने माछापुच्छ्रे, अन्नपूर्ण हिमालको छाया सहितको फेवाको पोस्टकार्ड विश्व पर्यटन बजारमा प्रख्यात छ । यही सुन्दरताको अवलोकन गर्न स्वदेशी विदेशी पर्यटक पोखरा पाउँछन् ।
हाम्रा आँखाले देख्न नसक्ने जीवहरू फेवामा पाइन्छन् । यिनै जैविक विविधताको साझा घर भत्केपछि मन चसक्क नहुने कुरै भएन । पर्यटकीय सहर पोखराको आकर्षण पनि यही हो । फेवा सिमसारमा पाइने विभिन्न प्रजातिका चरा अवलोकन गर्न र तस्बिर खिच्न पर्यटक दिनभर भुल्छन् । यहाँको जैविक विविधता र तालमा देखिने सुन्दर हिमालको छाया हेर्न पर्यटक लोभिन्छन् । यति महत्त्वको ताल जोगाउनकै लागि गत माघ २३ गते साँझ देखि बाँध मर्मत गर्न फेवाको पानीको सतह घटाइएको छ । २०१८ सालमा बनाइएको बाँध २०३१ सालमा फुटेपछि २०३५ सालमा नयाँ बाँध बाँधिएको थियो । त्यही बाँध ४२ वर्ष पछि मर्मत गर्नका लागि जलस्रोत तथा सिँचाइ विकास डिभिजन कार्यालय कास्कीले तालको पानीको सतह एक मिटर घटाएको छ ।
एक मिटर पानीको सतह घटाउँदा पनि सबैको साझा घर नै भत्के जस्तो, ताल सुकेर खोला भए जस्तो देखिएको छ । जलारी समुदायले ताल भित्र केजमा पालेका माछा पानीको सतह घटेपछि मरेको गुनासो गरेका छन् । तालमा रहेका घोगी ताल घटपछि बाेराका बोरा स्थानीयले लगेको हर्पन फेवा मत्स्य सहकारीका अध्यक्ष इन्द्र जलारीले सुनाए । ताल घटेपछि मात्र हामीले किन ताल घट्यो भनेर अचम्म पर्याै । बेलैमा थाहा नपाउँदा ताल भित्र केजमा पालेका धेरै जलारी समुदायका माछा मरे उनले भने ।
तालको मुहान क्षेत्रबाट बगेर आउने माटो, गेगर,बालुवाको कारण ताल वर्षेनी पुरिँदै गएको छ । हामीहरूकै कारणले ताल सुक्दै गयो भने ? सुन्दर ताल फोहोर पोखरी जस्तै बन्दै गयो भने ? हामीले भोलि पानीको सङ्कट पर्दा प्रयोग गर्नु पर्ने पानीको स्रोत हो फेवा । हामी भन्दा अघिल्लो पुस्ताले यही पानी खाएर हुर्के । हामीले पनि सानो छदा यही पानी खायौ । भोलि हामीले यही पानी प्रयोग गर्न बाध्ये हुने अवस्था नआउँला भन्न सकिदैन् । मानव सभ्यताको विकास नै पानीको स्रोत नजिकै भएको हो । नदी, ताल, पानीका मूल, सिम क्षेत्र नै हुन सबै प्राणीका बाँच्ने आधार । शरीरमा पानी छ र जीवन छ । के पानी बिना बाँच्न सकौला र हामी ? यसैमा त छ जीवन । फेवा लगायत पानीका स्रोत ( जीवन रुपी घरहरू) बेलैमा बचाउ, र बाँचौँ ।
सोलुको हिमाली क्षेत्रमा दुइवटा हिमताल विस्फोटको कारण अत्यधिक तापक्रम वृद्धि भएको हिमताल विफोटपछि अवलोकनमा पुगेका राष्ट्रिय विपद न्यूनीकरण तथा… 
अचेल हामी मानिसहरू हरेक पल अलिअलि गर्दै पृथ्वीको जलवायु परिवर्तन गर्दैछौं। गर्मी याममा तापक्रम बढ्दै जानु, पहिलेभन्दा धेरै पानीमिश्रित आँधी… 
यस वर्ष विपदबाट छाेटाे समयमा ठूलाे धनजनको क्षति भएको छ । मनसुन भित्रिए यता बाढी, पहिरोलगायत विपदबाट एक सय… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
पंक्षी जन्तु जगतमा पर्ने, प्वाँख, चुच्चो र पखेटा भएका प्राणीको समुह हो । मानव जातिसँग निकटतम सम्बन्ध भएका यी… 
पोखरा : अन्नपूर्ण संरक्षण क्षेत्रबाट अवैधरुपमा निगालोका टुसा संकलन गरी चोरी निकासी गर्ने सवारी साधनलाई प्रहरीले नियन्त्रणमा लिएको छ… 
सहरीकरण संगै चराका प्राकृतिक बासस्थान र चरा मैत्री पुराना घरहरू हराउँदै गएपछि चराको बासस्थान पुन: स्थापना गर्न कास्की र… 
मकवानपुर गाउँपालिका ६ प्रतापपुरका किसान बलबहादुर राईको गोठमा बाँधेको भैँसीले बिहीबार बिहान बाघ मारेको घटनाको समाचार आएपछि बाँधेको भैसीले…