तीन मुक्तक

चोक चोकमा चाँप बनाएर
उस्तै रँग र नाप बनाएर
ए मुर्ख ! भोक मेटिँदैन तिम्रो
प्लास्टिकका आँप बनाएर

वन डढेको डढ्यै छ
कोरोना बढेको बढ्यै छ
भेन्टिलेटर कहाँ छ हजुर
प्रकृति मरेको मर्‍यै छ

उल्लुहरू मुर्ख हुँदैनन्
गिद्धहरू दुष्ट हुँदैनन्
मान्छे हो असन्तुष्ट सधैँ
प्रकृतिका स्वार्थ हुँदैनन्

(अमृत पौडेल, वातावरण संरक्षण विषयमा जर्मनमा स्नातकोत्तर गरिरहेका छन् l उनी वन, वन्यजन्तुको अनुसन्धान र संरक्षणमा रुचि राख्छन् )