विश्वभर आज पारिस्थितिकीय प्रणाली पुनःस्थापनका विषयमा केन्द्रित हुँदै विश्व वातावरण दिवस मनाइएकाे छ । नयाँ सोच र सिर्जनाका साथ प्राकृतिक प्रणालीको पुनःस्थापना भन्ने नाराका साथ याे वर्ष वातावरण दिवस मनाइएकाे छ।
संयुक्त राष्ट्र संघको आह्वानमा हरेक वर्षको जुन ५ लाई विश्व वातावरण दिवसको रूपमा मनाउँदै आएकाे हाे । पृथ्वी र प्रकृति सबैको साझा हो । यिनीहरूको संरक्षण गर्दै वातावरणीय सन्तुलन कायम गर्नु हामी सबैकाे जिम्मेवारी हो । आज स्वस्थ एवं स्वच्छ वातावरण सिर्जना गर्न प्रण गर्ने दिन हो ।
यसै अवसरमा डिभिजन वन कार्यालय कास्की, मुस्ताङले वृक्षाराेपणगरी विश्व वातावरण दिवस मनाएका छन् । यसै गरी देशभर विभिन्न कार्यक्रम आज विश्व वातावरण दिवस मनाइएकाे छ । कास्कीमा पाेखरा २६ काे अमरज्याेती सामुदायिक वनमा अमला, सितलचिनीका ५० विरुवा रेपिएकाे डिभिजन वन कार्यालय कास्कीका प्रमुख केदार बरालले जानकारी दिए । त्यस क्षेत्रकाे २ हेक्टर क्षेत्रमा जडीवुटीका ३२ सय विरुवा राेप्ने कार्यक्रम रहेकाे पनि बरालले बताएका छन् । वृक्षाराेपण कार्यक्रममा पाेखरा महानगरपालिकाका मेयर मानबहादुर जिसी, गण्डकी प्रदेशका वन, वातावरण तथा भूसंरक्षण मन्त्रालयका सचिव डा महेश्वर ढकाल लगायतकाे सहभागीता रहेकाे थियाे ।
तस्बिरमा कास्की र मुस्ताङ जिल्लामा भएका वृक्षाराेपण कार्यक्रम ।
अन्नपूर्ण हिमालको काखमा रहेको फेवातालको उत्पत्तिको इतिहास निकै रोचक छ। यसको वैज्ञानिक इतिहास खोज्न करिब १२ हजार वर्ष अघिसम्म… 
तराई क्षेत्रमा जलवायु अनुकूलित धान उत्पादन बढाउन दक्षिण कोरिया सरकारले करिब २ अर्ब रुपैयाँ बराबर अनुदान सहयोग गर्ने भएको… 
२०६९ वैशाख २३ गते माछापुच्छ्रे गाउँपालिका स्थित सेती नदीको खारापानी क्षेत्रमा सधै झैँ दैनिकी चलेको थियो । पिकनिक खान, तातोपानीमा… 
स्वर्गीय डा चन्द्र प्रसाद गुरुङको संरक्षण दृष्टिकोण र अन्नपूर्ण संरक्षण क्षेत्रसँग जोडिएको इतिहास समेटिएको पुस्तक ‘Caring for the Annapurna’…