आजका बालकहरू भन्दा ५० वर्षअघिका बालकहरू खुसी

एउटा तिब्बती भनाइ छ, ‘जीवनमा सुखसँग लामो समय बाँच्ने हो भने आधा खाऊ, दुई गुना हिँड, तीन गुना हाँस र अरूलाई असीमित माया गर’। आज यी बालकहरूको बाल्यकाल देख्दा त्यस्तै लाग्छ।

आजको दिनमा फोटोमा भएका यी बालकहरू  बाजे/बज्यै भइसके होलान् र यिनीहरूका नाति नातिनी यही उमेरका भए होलान् । ती बालक जो आज बाजे बज्यै भइसके ती आज पनि सुखी र खुसी छन् होलान्।

बाल्यकालमा नै यी बालकहरू पाका भैसकेका जस्तो लाग्छ। भाइ बहिनीप्रति माया, कठिन दैनिक कार्य, कठिन यात्रा र कुनै बालक बालिकाको सानैमा विवाह, यो हो ५० वर्ष पहिलेको बाल्य जीवन।आजका बालकहरूको ढोकैमा आइपुग्ने विद्यालयको सवारी साधन, फुर्सदमा हातैमा मोबाइल, घरको कामप्रति बेवास्ता, दैनिक पकेट मनीको आवश्यकता यस्तै चलेको छ उनीहरूको दिनचर्या।

तर आजका बालक भन्दा ५० वर्ष अगाडिका बालकको अनुहारमा खुसीयाली देखिन्छ। उनीहरूलाई कठिन दैनिक जीवन, फाटेको मैला कपडा, वा खाली खुट्टाको लामो यात्रा यो सबैको चिन्ता नै छैन। जताततै खुसी मात्र l ५० वर्ष पहिलेको बाल्य जीवनको फोटोहरु हेरौं l

(सुनील उलक फोटो संकलक एवं संस्कृति संरक्षणकर्मी हुन्)