पोखराका पर्यटन व्यवसायी र मजदुरकालागि छुट्टै कोभिड विरुद्धको खोप अभियान सुरु भएको छ । पोखरामा बिहीबार देखि अभियान सुरु भएको हो । गण्डकी प्रदेशका पर्यटन, उद्योग वाणिज्य तथा आपूर्ति मन्त्री मणिभद्र शर्मा र कानुन, सञ्चार तथा प्रदेश सभा मामिला मन्त्री विन्दुकुमार थापाले पर्यटन व्यवसायीलाई खोप कार्ड हस्तान्तरण गर्दै खोप अभियान सुरु गरेका हुन् ।
पर्यटन व्यवसायी र मजदुर लक्षित खोप अभियान प्रदेशका सबै जिल्लामा लगतै सुरु हुने पर्यटन, उद्योग वाणिज्य तथा आपूर्ति मन्त्री मणिभद्र शर्माले बताए । खोपको कारणले कोही पनि निराश हुन पर्ने अवस्था नआउने मन्त्री शर्माले सुनाए । कानुन मन्त्री विन्दुकुमार थापाले पर्यटन व्यवसायीहरुले धेरै अगाडी देखिबाट खोपको माग गर्दै आएकोमा वर्तमान सरकारले उहाँहरुको माग अनुसार सम्बोधन सुरुवात गरेको बताए । यसरी नै व्यवसायीहरुको मागलाई निरन्तर रुपमा सम्बोधन गर्ने मन्त्री थापाले बताएका छन् । मन्त्रीद्वय शर्मा र थापाले पोखरा पर्यटन परिषदको संयोजनमा निर्धारण गरिएका पाँच वटा खोप केन्द्रको निरीक्षण गरेका थिए ।
पर्यटन व्यवसायी र मजदुरलाई औपचारिक रुपमा कोभिड विरुद्धको खोप अभियान सुरु भएकोमा व्यवसायीले खुसी व्यक्त गरेका छन् । पोखरा पर्यटन परिषदका उपाध्यक्ष पोमनारायण श्रेष्ठले यो अभियान सबै व्यवसायी र मजदुरले खोप पाउने गरी हुनु पर्ने बताए । कोभिडको कारण थला परेको व्यवसाय खोप अभियान संगै चलायमान हुने उनले विश्वास गरे ।
पोखरा पर्यटन परिषदका पूर्व अध्यक्ष गणेशबहादुर भट्टराईले खोप अभियान पछि स्वदेशी र विदेशी पर्यटकको आगमन बढ्ने विश्वास गरे । भिजिट नेपाल २०२० को मुखैमा सन् २०१९ को डिसेम्बर महिनामा चीनमा पहिलाे पटक देखा परेर विश्वभर फैलिएको कोरोनाका कारण पर्यटन उद्योग थला परेको छ । पर्यटन उठाउन र प्रबद्र्धनका लागि खोप अभियानलाई निरन्तरता दिनु पर्नेमा भट्टराईले जोड दिए ।
मुस्ताङको जोमसोममा हिमाली क्षेत्रमा जलवायु परिवर्तनले पारेको असरबारे दुईदिने राष्ट्रिय जलवायु परिवर्तन सम्मेलन सुरु भएको छ। घरपझोङ गाउँपालिकाको आयोजनामा… 
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,… 
प्रकृति बलवान हुन्छ । मानवले जतिसुकै विकास गरे पनि प्रकृति आफ्नै गति र रफ्नारमा रहन्छ । बुधबार बिहान भोटेकोशी…