हिमालयका जहाजमा जीवनदायी मेसिन

हिमालय एयरलान्सले आप्नो सबै जहाजमा जीवनदायी मेसिन जडान गरेको बताएको छ । एयरलाइन्सले आप्ना सबै जहाजमा बाह्य रुपमा प्रयोग गर्न मिल्ने अटोमेटेड एक्सटर्नल डेफिब्रिलेट राखेको बताएको हो ।

जीवनदायी मेसिनले यात्रुको ह्दयगति बन्द भएमा, नाडी बन्द भएमा वा श्वास प्रश्वास रोकिने अवस्था आएमा यस मेसिनको सहायताले बिरामीको मुटुमा एक प्रकारको दवाव दिएर मुटु, श्वास प्रश्वास र नाडीको गति पुन: कायम गराउन सकिने बताइएको छ । यसरी बिरामीको जीवन बाच्न सक्छ ।

जीवनदायी मेसिन राखिएपछि हिमालयका जहाजमा यात्रा गर्दा सुरक्षित, विश्वसनिय र आरामदायी हुने भएको छ । हिमालय एयरलाइन्सका सबै उडान कर्मचारीलाई जीवनदायी मेसिनको प्रयोगबारे तालिम दिएर सेवा सुरु गरिएको हिमालय एयरलाइन्सले बताएको छ ।