नेपालका लागि अमेरिकी राजदूत रेन्डी बेरीले दसैं मनाएका छन् । महाराजगञ्जस्थित अमेरिकी दूतावासमा रेन्डीले दसैंको टीका लगाएका हुन् । आफूले टीका तथा जमरा ग्रहण गरेपछि उनले बालबालिका तथा अन्य व्यक्तिलाई पनि टीका लगाइदिएका छन् ।
आफूले टीका लगाएको र बालबालिका तथा अन्य व्यक्तिलाई पनि टीका लगाइदिएको तस्बिर राजदूत बेरीले समाजिक सञ्जालमा राखेका छन् ।
आज देशभर नेपाल पञ्चाङ्ग निर्णायक समितिका अनुसार दसैंको टीका बिहान १० बजेर २ मिनेटमा लगाउन सुरु गरेर मान्यजनबाट शीर्वादसहित टीका तथा जमरा लगाउन क्रम चली रहेको छ ।
साइत नकुर्नेहरुले बिहानैदेखि टीका र जमरा लगाइरहेका छन् । दसैंको टीका कोजाग्रत पूर्णिमासम्म लगाउने चलन रहेको छ ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…