बेमौसमी वर्षापछिको बाढी, पहिरोबाट ५८ जनाको मृत्यु भएको छ । गृहमन्त्रालयको विपद् व्यवस्थापन महाशाखाका अनुसार बुधबार साझसम्म ५८ जनाको मृत्यु भएको हो । बेमौसमी वर्षाले देशका विभिन्न स्थानका नागरिक बाढी पहिरोबाट विस्थापित भएका छन् ।
देशका विभिन्न स्थानमा सोमबारदेखि आएको बाढी पहिरो र डुबानका कारण प्रदेश १ मा ३० जना, बागमती प्रदेशमा १ जना, कर्णाली प्रदेशमा ७ जना र सुदूरपश्चिम प्रदेशमा २० जनाको ज्यान गएको हो । बाढी, पहिरोबाट प्रदेश १ मा १४ जना घाइते भएका छन् । कर्णाली प्रदेशमा १ जना भाइते भएको गृहमन्त्रालयले जनाएको छ ।
घाइतेहरुलाई उपचारकालागि स्थानीय अस्पताल लगिएको छ । बाढी, पहिरोको कारण सुदूरपश्चिम प्रदेशमा २३ जना र प्रदेश १ मा ३ जना गरी २६ जना बेपत्ता भएका छन् । बेपत्ताहको सुरक्षाकर्मी, स्थानीयले खोजी गरिरहेका छन् । बाढी, पहिरोबाट ३० वटा घर, २ वटा गोठ, ४ वटा पुल र ३ वटा सरकारी कार्यालयमा क्षति पुगेको प्रहरीले बताएको छ ।
यसै गरि बाढी, पहिरो र डुबानमा परी १ सय १ वटा पशु चौपायाको मृत्यु भएको छ ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…