जिम्बाब्वेमा खडेरीका कारण पानी खान नपाएर एक सय हात्ती मरे

कहिले अति वर्षा त कहिले खडेरीका कारण विश्वका मान्छे मात्र होइन जनावर पनि समस्यामा पर्दै गएका छन् । यस्तै समस्या अहिले जिम्बाब्वेमा खडेरीका कारण हात्ती मरेका समाचार आइरहेको छ । जिम्बाब्वेमा खडेरीका कारण कम्तीमा एक सय वटा हात्ती मरेका छन् ।

जिम्बब्वेस्थित ह्याङग्रे राष्ट्रिय निकुञ्जमा एल निनो नामक खडेरीका कारण कम्तीमा एक सय वटा हात्तीको मृत्यु भएको अन्तराष्ट्रिय पशु कल्याण तथा संरक्षण समूहले जनाएको छ । पशु कल्याणको लागि अन्तर्राष्ट्रिय कोषले सार्वजनिक गरेको विज्ञत्ति अनुसार हाल सो खडेरीकाा कारण ग्रीष्मकालीन वर्षा सामान्यभन्दा पाँच हप्ता ढिलो शुरु भएको छ ।

जसकाकारण झण्डै ४५ हजार हात्तीको बासस्थान रहेको जिक्बाब्वेको सबैभन्दा ठूलो संरक्षित क्षेत्र हान्गे राष्ट्रिय निकुञ्जमा दर्जनौं हात्तीहरु मरेका छन् । कम्तीमा एक सय हात्तीहरु पानीकै अभावका कारण मृत्यु भएको कोषले उल्लेख गरेको छ । पार्कमा रहेका १०४ वटा सौर्य उर्जाबाट चल्ने बोरहोल चरम तापक्रमसँग मिलाउन अपर्याप्त रहेको बताइएको छ । खडेरीले पानीका मुहान सुक्दै गएकोले वन्यजन्तु खाना र पानीको खोजीमा लामो दूरीसम्म हिँड्न बाध्य भएको विज्ञप्तिमा जनाइएको छ ।