बर्दियामा हात्तीको अक्रमणबाट एक जनाको मृत्यु

हात्तीको आक्रमणमा परी बर्दियामा एक जनाको मृत्यु भएको छ । ठाकुरबाबा नगरपालिका २ परहनी निवासी ५२ वर्षीय शिवप्रसाद थारुको सोमबार जंंगली हात्तीको आक्रमणमाबाट मृत्यु भएको बर्दिया राष्टिय निकुञ्जले जनाएको छ ।

हात्तीको आक्रमणबाट एक जना घाइते भएका छन् । स्थानीय सुजनपुरका ३५ वर्षीय विश्राम थारु हात्तीको आक्रमणबाट घाइते भएको निकुञ्जले जनाएको छ । घाइते थारुको हात भाँचिएको जनाइएको छ । उनको थप उपचारकालागि नेपालगञ्ज पठाइएको छ । बर्दिया राष्टिय निकुञ्ज क्षेत्रमा कुलो मर्मत गर्न गएको बेलामा उनिहरु हात्तीको आक्रमणमा परेका हुन् ।