शुभकामना सन्देशहरू

गण्डकी प्रदेश विशेष गरी पोखरालाई कार्य क्षेत्र बनाई पत्रकारिता क्षेत्रमा लाग्नु भएका प्रकृति प्रेमी साथीहरुले इ-नेचर न्युज अनलाइन पत्रिका सञ्चालन गर्न लाग्नु भएको खबरले मलाई अत्यन्त  खुसी तुल्याएको छ । मलाई आशा एवं विश्वास छ , यो पत्रिकाले गण्डकी प्रदेशको मात्र नभएर समग्र नेपाल र अन्तर्राष्ट्रिय स्तरका वन र वातावरण, वन्यजन्तु र वनस्पति, जैविक विविधता र पारिस्थिकीय प्रणाली, वातावरण र जलवायु परिवर्तनका मुद्दा तथा ताल तलैया मात्र होइन तराई, भित्रीमधेश, पहाड र हिमालका कुना कन्तारामा लुकेर रहेका प्रकृतिका ज्ञानलाई उजागर गरी मानव र समग्र सृष्टि जगतको भलाइको लागि आफ्नो सम्पूर्ण तागत त्यस तर्फ केन्द्रित गर्नेछ । अविच्छिन्न सफलताका लागि हार्दिक शुभ-कामना !!

मानवले प्रकृतिसँग सम्बन्ध बिगारेर आजको यो भयावह अवस्था आएकाे छl मानव र वन्यजन्तु प्रकृतिका अभिन्न अङ्ग हुन्l इ -नेचर न्युजले प्रकृतिका मुद्दाहरूलाई केन्द्रमा राखेको सुन्दा खुसी लागेको छl सम्पूर्ण समूहलाई हार्दिक बधाई तथा सफलताको शुभकामना l

विकासको नाममा वनजंगल तथा प्रकृति माथिको अत्याधिक दोहनले गर्दा अहिले बिश्व कोभिड-१९ बाट आक्रान्त छ ।यसले गर्दा मानिसको जीवननै संकटमा परेको छ ।यो बिनासलाई रोक्न समाचारको माध्यमबाट जनचेतना जगाउने उदेश्यले हाम्रो सामु प्रकाशित www.enaturenews.com लाई बधाई तथा शुभकामना ।

वातावरण र प्रकृतिको विषयमा आवाज बुलन्द गर्ने समूह थपिएकोमा बधाई दिन चाहन्छु l यसले नेपालको जैविक विविधता र वातावरणका विभिन्न आयामहरूको बारेमा स्थानीय समूह देखि नीति निर्मातालाई जानकारी र यिनको संरक्षणमा अहम् भूमिका खेल्ने कुरामा विश्वस्त छु l सम्पूर्ण पत्रकार महासंघको तर्फबाट शुभकामना l