यसरी गरिएको थियो दाङमा चितुवाको उद्धार

आइतबार दिउँसो डिभिजन वन कार्यालय देउखुरी र राष्ट्रिय प्रकृति संरक्षण कोष बर्दियाको सहयोगमा डार्ट गरी चितुवा नियन्त्रणमा लिइएको छ। उक्त चितुवाले केही दिन पहिले मात्रै त्यहाँ एउटा बाख्राको खोरमा पसेर एकै रात नौं वटा बाख्राहरू मारेको थियो। चितुवाले निरन्तर रूपमा पशु चौपायामाथि आक्रमण गर्न थालेपछि स्थानीय त्रसित बनेका थिए। उद्धार गरिएको  चितुवा घाइते समेत देखिएको हुँदा बाँके राष्ट्रिय निकुञ्जमा केही दिन राखेर उपचार पछि जङ्गलमा छोडिने भएको छ । तस्बिरमा हेर्नुहोस्, यसरी गरिएको थियो उद्धार l

(चिरञ्जीवी खनाल अन्तर्राष्ट्रिय संरक्षण सङ्घअन्तर्गत हुँडार कार्यक्रमका सदस्य हुन् l उनी वन्यजन्तुको अनुसन्धान, संरक्षण र उद्धारमा रूची राख्छन्।)