विष्णुमाझीको नयाँ गीत ‘दशैं तिहार आइसक्यो’ सार्वजनिक

‘चरी जेलैमा’ गीतबाट पछिल्लो समयमा थप खोजी भएकी र चर्चाको शिखरमा पुगेकी चर्चित गायिका विष्णुमाझीको दशैं तिहार गीत ‘दशैं तिहार आइसक्यो’ बुधबार सार्वजनिक भएको छ । तीजमा ‘चरी जेलैमा’ चर्चा पाए जस्तै ‘दशैं तिहार आइसक्यो’ गीतले पनि दर्शकले निकै मनपराएको देखिएको छ ।

सार्वजनिक भएको दुई दिन नबित्दै बिहीबार साँझ सम्म ६ लाख ३ हजार भन्दा धेरै पटक हेरिसकिएको छ । यस गीतले पुनः दर्शक तान्ने अवस्था सुरुमै देखिएको छ । यस गीतमा पनि विष्णु माझीकै श्रीमान सुन्दरमणि अधिकारीको शब्द र संगीत रहेको छ । विष्णु माझीको स्वर रहेको गीतमा महिमा आचार्यको कोरस गायन छ ।

गीतमा आप्नो परदेशी मान्छेलाई दशैं तिहार आइसकेको र झल्को लाइसकेको जनालउँदै गाउँमा बोलाइएको छ । भिडियोको मनमोहक दृश्य लोभ्याउने खालको छ । सुन्दरमणिकै निर्देशन रहेको भिडियोमा प्रिया विष्टले अभिनय गरेकी छिन् । यस गीतको भिडियोमा पनि सुन्दरमणिले अभिनय गरेका छन् ।