नेपालका लागि फिनल्याण्डका राजदूत प्रेट्टी जुहानी एन्टिनेन प्रकृतिमा रमाउने घुमघाममा रुची राख्ने राजदूतमा गनिन्छन् । कोभिड—१९ का कारण थलापरेको पर्यटन उद्योगलाई उठाउन पोखरा र गण्डकी प्रदेश खुला छ भन्ने सन्देश दिन गण्डकी प्रदेश सरकारको निमन्त्रर्णामा पोखरा आउने विभिन्न देशका राजदूत, कूटनीतिक नियोग र विकास साझेदार संस्थाका प्रमुखहरु आउँदा फिनल्याण्डका राजदूत प्रेट्टी पनि आएका थिए ।
राजदूत पे्रट्टी यस अघि नै ६ पटक पोखरा आएका थिए । अन्नपूर्ण पदयात्रा क्षेत्र लगायत धेरै स्थानका भ्रमण गरिसकेका उनि सोमबार टान पोखराको संयोजनमा देउरालीबाट तीन किलोमीटर अपाङ्ग मैत्री पदयात्रा र त्यसपछि कास्कीकोट हुँदै ठूलीपोखरी सम्मको ५ किलोमीटर हाइकिङमा उनि पनि सहभागी थिए । हाइकिङ सकेर सराङकोट पुगेपछि पत्रकारको जिज्ञासामा प्रेट्टीले नेपालको प्रकृति, नेपालीको आतिथ्य सत्कार र हाँसोले पर्यटकलाई खुसी दिने बताए ।
पर्यटककालागि प्रमुख आकर्षण सुन्दर प्रकृति र स्वच्छ वातावरण भएको उनले सुनाए । पर्यटक प्रकृति र स्वच्छ वातावरणमा रमाउन आउने बताउदै उनले प्रकृति र वातावरण जोगाउन उनले अनुरोध गरे । फोहोरको व्यवस्थापन उचित रूपमा गर्न पनि राजदूत प्रेट्टीले सुझाए । राजदूत प्रेट्टी पदयात्रा मार्गमा डोजर चलेकोमा पनि चिन्तित देखिए । अन्नपूर्ण पदयात्रा मार्गमा पछिल्लो समयमा बस्ती नै नभएको ठाउँमा पनि बाटो लग्ने होडबाजी चलेको छ ।
बस्ती नै नभएको मनाङको तिलिचो ताल देखि अन्नपूर्ण पदयात्रा मार्गमै पर्ने मादी गाउँपालिकाको करपु सम्म डोजर चलाएर बाटो लगिएको छ । पर्यटकको आकर्षण पदयात्रा क्षेत्र जोगाउन पनि उनले सुझाए । कोरोना महामारीले शिथिल पारेको नेपालको पर्यटन छिट्टै पुरानो लयमा फर्कने उनले विश्वास गरे । स्वास्थ्य सतर्कतामा भने ध्यान दिन उनले अनुरोध गरे । खोप लगाए पनि मास्क लगाउन नछोड्नोस्, साबुन पानीले बेलाबेलामा हात धोइरहन उनले अनुराेध पनि गरे ।
संयुक्त राष्टसंका आवासीय प्रमुख सारा बेसोलो नान्ती पनि नेपालको प्राकृतिक सुन्दरता र नेपालीको आतिथ्य सत्कारबाट प्रभावित भएकी रहिछन् । नान्ती हिमाल खुलेका बिहान सोमबार सराङकोट पुगेर अन्नपूर्ण हिमश्रृङ्खलालाई पृष्ठभूमिमा राखेर नेपाल खुला रहेको र सबैलाई नेपाल घुम्न आउन अनुरोध मात्र गरिनन् नेपालको सम्पदा जोगाउन पर्ने पनि बताइन ।
उनले टिकटकमा राखेको सो भिडीयो सामाजिक सञ्जालमा निकै भाइरल भइरहेको छ । नान्तीले टिकटकमा राखेको भिडियोले नेपालको पर्यटन प्रवर्द्धनमा महत्त्वपूर्ण भूमिका खेल्ने भन्दै पर्यटन व्यवसायी र सामाजिक सञ्जाल प्रयोग कर्ताले खुसी व्यक्त गर्दै सामाजिक सञ्जालमा सेयर गरेका छन् ।
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,… 
प्रकृति बलवान हुन्छ । मानवले जतिसुकै विकास गरे पनि प्रकृति आफ्नै गति र रफ्नारमा रहन्छ । बुधबार बिहान भोटेकोशी…