वन्यजन्तुको काल बन्दै मानव निर्मित संरचना : नालीमा परेर गैंडाको मृत्यु

मानव निर्मित संरचना वन्यजन्तुकालागि काल बन्दै गएको छ । अव्यवस्थित रुपमा निर्माण भएका संरचनामा परेर बेलाबेलामा वन्यजन्तु मर्ने गरेका छन् । यस्तै आइतबार घटना भएको छ ।

पूर्व–पश्चिम राजमार्ग अन्तर्गत टिकौली जंगल नजिक निर्माणाधीन सडकको नालीमा परेर एउटा गैंडाको मृत्यु भएको हो । आइतबार दिउँसो तीन बजे अन्दाजी वाषर््को भाले गैडा मरेको अवस्थामा भेटिएको चितवन राष्ट्रिय निकुञ्जले जनाएको छ । सडक विस्तारको काम भइरहेको पूर्वपश्चिम महेन्द्रराजमार्गको निर्माणाधीन नालामा खसेर भाले गैंडाको मृत्यु भएको हो ।

यो स्थान राजमार्गको भरतपुर गोन्द्राङ खण्डस्थित भरतपुर महानगरपालिका ९ गोन्द्राङ नजिकैको हो । यहाँ ६ लेनको सडक निर्माणको काम भइरहेको छ । बरण्डाभार जंगल चितनव निकुञ्जका जनावरहरु चुरे र महाभारत ओहोर दोहोर गर्ने जैविक मार्ग मानिन्छ । विकास निर्माणको काम संरक्षण मैत्री नुहँदो दुःखद घट्ना हुँदै आएका छन् ।

नाली बनिसकेको भए पनि खाल्डो नपुर्दा गैडा खसेर मृत्यु भएको हो । गैंडा वनमा लगाइएको तार जाली भत्काएर बाहिर आएको हो । नाली बनिसकेपछि खाल्डो पुरेको भए पनि यस्तो दुःखद अवस्था नआउने स्थानीय हरि शर्मा बताउँछन् ।