गिद्ध मर्दा सबै चिन्तित !

नवलपरासी, ८ वैशाख ।

पश्चिम नवलपरासीमाको  रामग्राम नगरपालिका ४, जितपुरमा गिद्धहरु मरेको अवस्थामा फेला परेका हुन्।पंक्षी संरक्षण संघको गिद्ध संरक्षण परियोजनाका अधिकृत देउबहादुर रानाका अनुसार ६७ वटा  गिद्धहरु मरेका अवस्थामा फेला परेका छन् ।

स्थानीय सुरेश यादवका अनुसार विष खुवाएर मरेको कुकुरको सिनो खाएका कारण यति ठूलो संख्यामा गिद्ध मरेको बताए । प्रकृतिको कुचिकार मानिने गिद्ध संरक्षणमा लागेका संरक्षणकर्मीलाई यो घटनाले ठूलो नोक्सान पुर्‍याएको छ। संरक्षणकर्मिहरुले उक्त घटनाको छिटो भन्दा छिटो छानबिन गरी कारबाही गर्न माग गरेका छन् l