गोही संरक्षणको सन्देश दिन सौराहाको चित्रसारी मैनाह खेलमैदानमा नेपाल गोही संरक्षण मेला २०८० आयोजना गरिएको छ । केयर फर नेचको आयोजनामा गोही संरक्षणका साथै खोलाको संरक्षण गर्दै पर्यटन विकासमा जोड दिदैं मेला आयोजना गरिएको हो ।
मंसीर २२ र २३ गते दुई दिन चलेको मेलामा नदी किनार सरसफाई जनचेतना मुलक ¥याली पनि गरिएको थियो । मेलामा बालबालिकाले गोहीको मुकुट लगाएर संरक्षणको सन्देश दिएका थिए । बालबालिकाले गालामा सेभ घडियाल, सेभ गोही जस्ता सन्देशमुलक सन्देश फेस पेन्टिङ गरेका थिए । सौरहा घुम्न आएका विदेशी पर्यटकले गोही मेलाको अवलोकन गरेका थिए ।
नेपालमा मगर गोही र घडियाल गोही दुई प्रजातिका गोही पाइन्छन् । नेपालमा भइरहेको गोही सम्बन्धी अनुसन्धानले यी दुवै प्रजातिलाई खतरा उन्मुख मानेको छ । विश्वमा २४ प्रजातिका गोही पाइन्छन् । नेपालमा घडियाल र मगर गरी दुई प्रकारका गोही पाइन्छन् । घडियालको थुतुनो लामो हुन्छ भने मगरको छोटो र थेप्चो हुन्छ् ।
घडियाल सफा र निरन्तर बगिरहेने ठूलाखोल नदीहरुमा मात्र पाइन्छन् । मगर ठूला नदीको साथै तालतलैया, पोखरी, तलाउ, घोल, जलाशयमा पनि पाइन्छन् । घडियालको मुख्य आहारा माछा हो भने मगरले माछाको सानै जंगली जनावर एवं घरपालुवा जनावरको पनि सिकार गर्छ । घडियाल अति संकटापन्न अवस्थामा पुगेको छ ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …