पोखरा : अन्नपूर्ण संरक्षण क्षेत्रबाट ३९० किलो आलो सुनाखरीको गानो सहित एक जना पक्राउ परेका छन् । यो परिमाण अन्नपूर्ण संरक्षण क्षेत्रमा अहिले सम्मकै सबैभन्दा धेरै परिमाण हो ।
मर्स्याङ्दी गाउँपालिका वडा नम्बर ३ खुदीमा सुनाखरी गाडीमा लोड गर्ने क्रममा प्रहरीले मर्स्याङ्दी गाउँपालिका वडा ४ कालाघिरिङका श्रीप्रसाद लामालाई पक्राउ गरी अन्नपूर्ण संरक्षण क्षेत्र आयोजनालाई बुझाएको छ । उनि संकलन गर्ने व्यक्ति रहेको बताइएको छ । सुनाखरी साइसिट अनुसूची दुईमा भएकोले यसको ओसारपोसार गर्न पाइँदैन । यसको राजश्व नै किलोको ५ सय रुपैयाँ केजी रहेको छ । बेला बेलामा अनुसूची परिवर्तन हुने भएकोले राजश्व मूल्य भने रहेको छ ।
नेपालमा ५१० प्रजातिका सुनाखरी रेकर्ड भएको छ । अन्नपूर्ण संरक्षण क्षेत्रमा २ सय भन्दा बढी प्रजाति सुनाखरी पाइने अन्नपूर्ण संरक्षण क्षेत्र आयोजना (एक्याप) का प्रमुख डा रबिन कडरियाले जानकारी दिए । समातिएको सुनाखरी दुई प्रजातिका हुन् । अन्नपूर्ण संरक्षण क्षेत्रको मर्स्याङ्दी गाउँपालिकाको समुन्द्री सतह देखि १७ सय देखि २४ सय मिटर उचाइ सम्म यो सङ्कलन गरिएको पाइएको बताइएको छ ।सुनाखरीको प्रयोग सुकाएर पिठो बनाएर औषधी र सजावटकालागि प्रयोग हुने गर्दछ ।
सुकाएर धुलो बनाएको सुनाखरी नेपाल मै २ सय डलर प्रतिकिलो बिक्री हुने गरेको पाइएको बताइएको छ । बढी कारोबार हुने भएकोले यसलाई साइटिसमा राखिएको हो । समातिएका लामालाई प्रहरीले आयोजनालाई बुझाएको छ । उनलाई हिरासतमा राखेर मुद्दा पक्रियामा अघि बढाइएको छ । सुनाखरीको राजश्व मूल्य पाँच सय रुपैयाँ प्रति किलो भएकोले यसको डबल जरिवाना हुने छ । भने गाडी समेत कारबाईमा पर्ने छ ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …