जोमसोम । मनाङ र मुस्ताङमा हिउँ चितुवाकाे आक्रमणबाट ५७ वटा भेडा र च्यांग्रा मरेका छन् । हिउँ चितुवाकाे आक्रमणबाट वैशाख ८ गते मनाङमा ४५ वटा र मुस्ताङमा वैशाख १९ गते १२ वटा च्यांग्रा मारेकाे इलाका संरक्षण कार्यालय जोमसोमका प्रमुख ऋषि बरालले जानकारी दिए ।
मुस्ताङकाे तेताङ गाउँका किसान नसाक्या गुरुङले पालेकाे खोरमा हिउँ चितुवा पसेर १२ च्यांग्रा मारेको हाे। ११ वयस्क भाले र एउटा वयस्क पोथी गरी १२ च्यांग्रा मारेको स्थानीय किसानले बताएका छन्। पाठापाठी छुट्टै खाेरमा राखिएकाेले हिउँ चितुवाकाे आक्रमणबाट बचेका छन् । माउ नै चितुवा आक्रमणबाट मरेपछि पाठापाठी कसरी हुर्काउने पिरलाे किसानमा थपिएकाे छ ।
यसैगरी, वैशाख पहिलाे साता मनाङकाे नार्पा भूमि गाउँपालिकाका छिरिङ लामाकाे गाेठमा चितुवाकाे आक्रमणबाट ४५ वटा भेडा र च्यांग्रा मरेका थिए । हिउँ चितुवाकाे आक्रमणबाट भेडा र च्यांग्रा मात्र नभएर घाेडा, याकसमेत मर्ने गरेकाे स्थानीय किसानले बताएका छन्।
हिउँ चितुवा खाेरमा पसेपछि सुरुमा एउटालाई मात्र आक्रमण गरेर बाहिर निस्कन खाेज्छ । यसरी निस्कन लाग्दा खाेरभित्र अरु च्यांग्रा पनि अतालिएर भागदाैड गर्न थाल्छन् । यस्ताे अवस्थामा अरु भेडा र च्यांग्रा पनि हिउँ चितुवाकाे आक्रमणमा पर्ने र धेरै क्षति हुने गरेकाे हिउँ चितुवामा विद्याविरिधि गदैै गरेका अशाेक सुवेदीले जानकारी दिए ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण… 
नेपाल प्रहरी प्रधान कार्यालय केन्द्रीय अनुसन्धान ब्यूरो र डब्लु डब्लु एफ नेपाल बीच समझदारी पत्रमा हस्ताक्षर भएको छ ।… 
पोखरा : ‘सिक्लेसैको सेतो टापी अन्नपूर्ण हिमाल’, शिर्षकको संरक्षण म्युजिक भिडियो पोखरामा सार्वजनिक गरिएको छ । प्रकृति, जैविक विविधता,… 
नेपालमा बाघको संख्या कति छ भन्ने तथ्यांङ्क सकलन गरी संरक्षणमा योजना बनाउन पुस ३ गते देखि सुरु भएको बाघ…