पोखरामा रहेका पर्यटकलाई नेपालीहरूको सबैभन्दा ठूलो चाड दशैं र नेपाली संस्कृतिबारे जानकारी दिदैं पर्यटक सँगै दशैं मनाइएको छ । कोजाग्रत पूर्णिमाको दिन आइतबार फेवाताल किनार बाराहीघाट सङ्गैको पार्कमा पर्यटकलाई दशैंको पर्वको बारेमा जानकारी दिँदै टीका, जमरा लगाएर दशैं मनाइएको हो । पर्यटकलाई टीका लगाएर दक्षिण पनि दिएको थियो । टीका लगाइसकेपछि पर्यटकलाई नेपाली परिकार सेल रोटी, तरकारी, अचार पस्किएको थियो ।
महिला पर्यटन व्यवसायी मञ्च (ओटेफ) को आयोजनामा भएको दशैं पर्यटन तथा सांस्कृतिक महोत्सवमा नेपाली पञ्चेबाजा बजाएर पर्यटकलाई स्वागत गरिएको थियो । महोत्सवमा सहभागी पर्यटकले नेपाली मौलिक पर्व दशैंको बारेमा जानकारी पाउनुको साथै दशैंको टीका लगाउन पाउँदा खुसी लागेको बताएका थिए । महोत्सवमा सहभागी आयरल्यान्डकी पर्यटक ईथाले अन्नपूर्ण क्षेत्रको पदयात्रा गरेर पोखरामा आराम गरिरहेको समयमा नेपाली पर्वमा सहभागी हुन पाउँदा खुशीलागेको बताइन् । महोत्सवमा पोखरा महानगरपालिकाका प्रमुख धनराज आचार्यले पर्यटकलाई टीका र जमरा लगाई दिएका थिए ।
महानगर प्रमुख आचार्यले नेपालको मौलिक पर्व दशैंको बारेमा पर्यटकलाई जानकारी दिँदै सहभागी गराउँदै भएका यस्ता महोत्सवले संस्कृति पर्यटनको विकासमा महत्त्वपूर्ण योगदान पुग्ने बताए । पोखरा पर्यटन परिषद्का अध्यक्ष हरि भुजेलले दशैं संस्कृति बुझाउने गरी भएको यस्ता महोत्सवले पर्यटकको बसाइँ लम्बिनमा सहयोगी हुने बताए । महोत्सव आयोजक संस्था ओटेफकी अध्यक्ष ममता न्यौपानेले सांस्कृतिक पर्यटनको खोजी गर्दै प्रवर्द्धन गर्ने उद्देश्यले महोत्सव आयोजना गरिएको बताइन् । महोत्सवलाई आगामी वर्ष पनि निरन्तरता दिइने पनि उनले बताइन् ।
ओटेफकी निवर्तमान अध्यक्ष तथा कार्यक्रम संयोजक उमा रेग्मी भण्डारीले दशैंलाई पर्यटनसँग जोडेर पर्यटकको आगमन वृद्धि गर्ने र पोखरा आएका पर्यटकको बसाई लम्ब्याउन महोत्सवले सघाउने उद्देश्यले आयोजना गरिएको बताइन ।
हिमालपारिका जिल्ला मनाङ र मुस्ताङ रेन स्याडो जोन अर्थात् न्यूनवर्षा हुने जिल्लामा पर्छन् । यसैले यहाँका घरहरूका छत माटोले… 
हिमालयपारिका जिल्ला मनाङ र मुस्ताङ प्राकृतिक रूपमा वृष्टि छाया क्षेत्रमा पर्छन्। यी जिल्लाहरूमा वर्षा नहुनुको मुख्य कारण पहाडको भौगोलिक… 
पोखरा : अविरल वर्षापछि गएको पहिरोमा परी गण्डकी प्रदेशको बागलुङ र म्याग्दीमा गरी १६ जनाको मृत्यु भएको छ ।… 
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले… 
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक… 
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र… 
भूगोलविद् डा. हर्कबहादुर गुरुङ र संरक्षणविद् डा. चन्द्रप्रसाद गुरुङको सम्झनामा बेल्जियममा २०औँ स्मृति दिवस मनाइएको छ। २० वर्षअघि ताप्लेजुङको… 
हिमालपारिको जिल्ला मुस्ताङको लोमान्थाङमा १८औँ अन्तर्राष्ट्रिय गिद्ध सचेतना दिवस मनाइएको छ । हरेक वर्ष सेप्टेम्बर महिनाको पहिलो शनिबार विश्वभर… 
पोखरा : हरेक वर्ष सेप्टेम्बर महिनाको पहिलो शनिबार विश्वभर अन्तर्राष्ट्रिय गिद्ध सचेतना दिवस मनाइन्छ । समुदाय, विद्यालय, विश्वविद्यालय, अनुसन्धानकर्ता,…