कृषि तीज प्रतियोगिताको तयारी

पोखरामा सातौं कृषि तीज प्रतियोगिताको तयारी गरिएको छ । तीज प्रतियोगिताको ग्राण्ड फिनाले भाद्र १४ गते पोखरामा हुने आयोजकले बताएका छन् । पोखरा टेलिभिजन र कृषि विकास निर्देशनालय पोखराको संयुक्त आयोजनामा आयोजित सातौं कृषि तीज गीत प्रतियोगिता हुन लागेको हो ।

गण्डकी प्रदेशका ११ जिल्लाबाट कृषि ज्ञान केन्द्रले पठाएको जिल्लाको उत्कृष्ट टिमहरू बिच पोखरा उद्योगबाणिज्य संघको सभाहलमा ग्राण्ड फिनाले हुने छ । प्रदेश स्तरीय प्रतियोगितामा प्रथम हुने जिल्लाले नगद ३५ हजार साथमा प्रमाण पत्र र दित्तिय हुने जिल्लाले २० हजार नगद र प्रमाण पत्र तितृय हुनेले १० हजार र सान्त्वनाले नगद पाँच हजार सहित प्रमाण पत्र प्राप्त गर्ने कार्यक्रम संयोजक घनश्याम पाण्डेयले बताउनु भयो ।कल्चर र एग्रिकल्चर सँगसँगै अगाडि बढाउने उद्देश्य सहित अहिले आफूहरू सातौं संस्करण सम्म आइपुगेको पाण्डेले बताए ।

कृषि क्षेत्रसँग सम्बन्धित विभिन्न गतिविधिहरूको गीत मार्फत प्रचार प्रसारमा योगदान पु¥याउन प्रतियोगिताको आयोजना गरिएको हो । प्रतियोगिताले कृषिको महत्त्व र यसको विविध पक्षहरूको बारेमा जनमानसलाई थप जानकारी दिन मद्दत गर्ने विश्वास गरिएको छ । किसानहरूको सफलतासँग सम्बन्धित प्रतियोगिताले अन्य किसानहरूलाई प्रेरित गर्छ भने यसले नयाँ विधिहरू अपनाउन र कृषि उत्पादनमा सुधार ल्याउन उत्प्रेरित गर्ने कृषि विकास निर्देशनालयका महानिर्देशक वासुदेव रेग्मीले बताए ।

उक्त कार्यक्रमको पोखरा टेलिभिजन र टेलिभिजनको फेसबुक पेज लगायतबाट प्रत्यक्ष प्रसारण गरिने कार्यक्रम पोखरा टेलिभिजनका प्रबन्ध निर्देशक माधव पनेरुले बताए । अहिले जिल्ला जिल्लामा टिम छनोट भइरहेको कृषि विकास निर्देशनालयका कृषि प्रसार अधिकृत विनोद शर्माले जानकारी दिए । कृषि गीत प्रतियोगिताले जिल्ला जिल्लामा कृषक समूहहरूमा उत्साह थपेको बताइएको छ । प्रतियोगिता सन्देश मूलक हुने भएकोले पनि जिल्लामा धेरै मेहनत गरेर टिम छनोट भइरहेको बताए । गत वर्षको ग्राण्ड फिनालेमा म्याग्दी प्रथम, तनहुँ द्धित्तिय र कास्कीले तितृय स्थान हासिल गरेका थिए ।