नेपाल सरकार, वन तथा वातावरण मन्त्रालयले ४० माईक्रोन भन्दा पातलो प्लाष्टिकको उत्पादन, आयात, बिक्री वितरण र प्रयोग नगर्न आग्रह गरेको छ । सरकारले आर्थिक वर्ष २०७८÷७९ को बजेटमार्फत ४० माइक्रोनभन्दा पातलो प्लाष्टिकका झोला उत्पादन, बिक्री वितरण र प्रयोगमा प्रतिबन्ध लगाउने घोषण गरेको थियो । मन्त्रालयले सरकारको घोषण कार्यान्वयनका लागि पुन आग्रह गरेको हो ।
वन तथा वातावरण मन्त्रालयका सचिव डा पेम नारायण कंडेलबाट सार्वजनिक सूचनामा वातावरण संरक्षण ऐन, २०७६ को दफा १५ को उपदफा (६) ले दिएको अधिकार प्रयोग गरी ४० माइक्रोनभन्दा पातलो प्लाष्टिकका झोला प्रतिबन्ध लगाउने सरकारको निर्णयको स्मरण गराउँदै उत्पादन र प्रयोग नगर्न सूचना प्रकाशन गरिएको उल्लेख गरिएको छ ।
सरकारले ४० माइक्रोन भन्दा पातलो प्लाष्टिक उत्पादन र प्रयोगमा रोक लगाए पनि उत्पादन, बिक्री वितरण र प्रयोग हुँदै आएपछि मन्त्रालयले सूचना प्रकाशन गरेको हो । देशको राजधानी काठमाडौं मात्र होइन पर्यटकीय सहर पोखरामा पनि उत्पादन र प्रयोगमा कमी आएको छैन । यसैको कारण राजधानीका नदी, खोला र पोखराका फेवाताल, सेती नदी, खोलाहरू र खेत पनि प्लाष्टिक प्रदूषण चपेटामा पर्दै गएका छन् ।
प्रतिनिधि सभा निर्वाचन २०८२ मा करिब दुई तिहाई मत पाएर सरकार बनाउन तयारी गरिरहेको राष्ट्रिय स्वतन्त्र पार्टी (रास्वपा) को… 
पोखरा : प्रकृति, वन्यजन्तु र वनस्पति संरक्षण अधिकारमा आधारित हुनुपर्ने यस क्षेत्रका अधिकारीहरुले जोड दिएका छन् । अधिकारमा आधारित संरक्षण…