१.
नदीको प्रश्न
नदीबाट कुलो काट्यौ
धान फलायौ ।
नदीबाट नहर काट्यौ
बिजुली फलायौ ।
ए मान्छे !
अब के फलाउने हो र ?
नदीबाट नदी नै काटेर ।
२.
नदीको दया
तस्कर थियो
बाँचुन्जेल आउँदा केही छाडेन
नदीका अंगअंग दोहन गर्योर
नदी तर नदी हुने रहेछ
जल्न, मरेपछि आउँदा पनि तस्कर
नदीले आफ्नो छाती- बगर दिँदैछ ।
३.
नदीको बाटो
मान्छेले गाडी बनायो
ती गुड्ने बाटो बनायो
त्यो बाटोमा अहिले
-सुत्केरी बोकेको एम्बुलेन्स गुड्छ
लास बोकेको शववाहन पनि गुड्छ
जब नदीको बाटो
नदी आफैंले बनाउने गर्थ्यो
नदीले मृत्यु मात्र बगाउँथ्यो
अब मान्छेले
नदीको बाटोको ठेक्का लिएको छ ।
***
– नागडाँडा, कास्की
कालीगण्डकी बचाऔँ अभियान – Save Kaligandaki
‘नदी सप्तक’ पोस्टर कविता शृङ्खला ~ ४९
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …