विवाहकालागि नेपाल र हिन्दु संस्कृति रोजेका विदेशी वरवधू (फोटो फिचर)

कोरोना संक्रमणको जोखिमलाई प्रवाह नगरी एक विदेशी जोडीले आफ्नो लामो समय देखिको प्रेमलाई विवाहमा परिणत गर्न नेपाल र हिन्दु परम्परा रोजेका छन् । 

नेदरल्याण्डका वर र फिलिपिन्सकी वधूले विवाहकालागि  नेपाल र हिन्दु परम्परा रोजेका हुन् ।  नेदरल्याण्डका ३३ वर्षका विलियम जोन र फिलिपिन्सकी ३२ वर्षीया मारिना मेण्डोजाले आफ्नो प्रेमलाई विवाहमा परिणत गर्न कास्कीको माछापुच्छ्रे गाउँपालिकाको अस्ताम गाउँ रोजेका हुन् । 

माछापुच्छ्रे गाउँपालिकाको अस्ताम स्थित अन्नपूर्ण इको भिलेजमा स्थानीय गाउँलेलाई साची राखेर विलियम र मारिनाले सोमबार पञ्चेबाजा बजाएर हिन्दु परम्परा अनुसार विवाह गरे । विवाहकै लागि ५ महिना अघि नेपाल आएका यो जोडी भदौ ९ गते कास्की जिल्ला अदालतमा कोट म्यारिज गरेका थिए । दर्ताद्वारा विवाह(कोर्ट म्यारिज) पछि उनीहरूले हिन्दु परम्परा अनुसार विवाह गरेका हुन् । यस अघि उनिहरुले कास्की जिल्ला अदालतमा काेट म्यारीज गरेका थिए ।

विवाहकालागि अन्नपूर्ण इको भिलेजका सञ्चालकहरु र मारिनाकी नेपाली दिदी कमला घलेले सहयोगी भूमिका खेलका थिए । अन्नपूर्ण इको भिलेजमा स्थानीय गाउँलेलाई साची राखेर विलियम र मारिनाले पञ्चेबाजा बजाएर विवाह गरेका हुन् । 

विलियमले मारिनाको सिउँदोमा सिन्दूर लगाए । पण्डितले अब दुवै जना एक अर्काको सुख दुःखमा सहयात्री बनेर जीवन जिउने कसम खुवाए । विलियम र मारिनाले पनि अग्नीलाई साक्षी राखेर पालैपालो जीवन सँगै जिउने कसम खाए । बेहुलीले परम्परागत गुरुङ पोसाक चोली, घलेक, फरिया लगाएर घुम्टो ओढेकी थिइन् ।