हिमपातकाे समयमा वन्यजन्तु जाेगाउन सकस हुँदै गएकाे छ । हिमााली क्षेत्रमा ठूलाे हिमपात हुँदा वन्यजन्तु हिउँमा पुरिने र हिउँबाट बच्न गाउँ नजिक आश्रय खाेज्दै आउँदा सिकारीबाट मारिने गरेका छन् ।
गत बुधबार देशभरका हिमाली क्षेत्र तथा लेकमा परेको भारी हिमपातका कारण वन्यजन्तु सकसमा परे । उच्च हिमाली क्षेत्रमा पाइने हिउँचितुवा, हाब्रे, कस्तुरी मृग, भालु लगायत वन्यजन्तु जोखिममा पर्ने गरेका हुन । हिउँ बाक्लो परेपछि हिउँमा पुरिएर, आहारा र पानी खान नपाएर वन्यजन्तु मर्ने गरेका छन् । लामो समय सम्म हिउँ नपग्लँदा र हिउँले पुरिदा वन्यजन्तु मर्ने गर्छन् ।
दुई वर्ष अघि छेकेम्पारको गोठमा हाब्रे मृत अवस्थामा भेटिएकाे थियाे । हिउँबाट बच्न गोठमा बसेको अवस्थामा थुनिएर मृत अवस्थामा भेटिएको हाे। त्यस अघि कहिल्यै नदेखिएको हाब्रे पहिलाे पटक त्यस्ताे अवस्थामा भेटिएकाे र यसैको आधारमा मनास्लु संरक्षण क्षेत्रमा पनि हाब्रे पाइन्छ भन्ने पत्तालागेकाे मनास्लु संरक्षण क्षेत्र (एमक्याप) का संरक्षण अधिकृत अजित तुम्बाहाम्फेले बताए । यसरी वन्यजन्तु हिपातबाट बच्न गाउँ र बस्ती तर्फ आउने गरेका छन् । वन्यजन्तु बस्ती तर्फ आउँदा कुकुरले मार्ने गरेको पनि उनले सुनाए । हिमपात हुँदा गत वर्ष बस्ती नजिकै वन्यजन्तु आउँदा कुकुरले चारवटा ल्होमा, दुईवटा कस्तुरी मारेको एमक्यापले जनाएको छ । सामा गाउँमा ८ र छेकम्पारमा ३ वटा नाउर पनि मारेको एमक्यापले बताएकाे छ । हिनाङमा हिमालयन थार तीनवटा , सामा गाउँमा घोंडाका बच्चा ६ वटा र याकका पाँचवटा बच्चा मारेको तथ्याङ्क छ । यस वर्ष भने अहिले सम्म त्यस्ता घट्नाको बारेमा सूचना नआएको एमक्यापका संरक्षण अधिकृत तुम्बाहाम्फेले बताए । अहिले के कस्तो अवस्था छ अध्ययन भइरहेको पनि उनले सुनाए ।
अन्नपूर्ण संरक्षण क्षेत्रमा पनि यस वर्षको हिमपातमा अहिले सम्म कुनै त्यस्ता घट्ना भएको सूचना नआएको अन्नपूर्ण संरक्षण क्षेत्र आयोजना (एक्पाप) जोमसोम प्रमुख ऋषि बरालले बताए । हिमपातको बेलामा वन्यजन्तु बस्ती नजिक आउने र सिकारीले सिकार गर्न सक्ने भएकोले त्यसर्फ सचेत रहेर निगरानी बढाएको पनि उनले सुनाए । हिमपातमा परेर नेपालमा वर्षेनी हिमाली क्षेत्रमा कति वन्यजन्तु मर्छन भन्ने एकिन तथ्यांङ्क छैन् । ठूलो हिमपात हुँदा उच्च हिमाली क्षेत्रमा वन्यजन्तु पुरिएर मर्ने भएकोले यस्तो अवस्था आउन नदिन वन्यजन्तु मैत्री संरचना बनाउनु पर्ने संरक्षणकर्मीले सुझाएका छन् ।
मौसम पूर्वानुमान महाशाखाले सोमबार देखि पुसे वर्षा र हिमपातको पूर्वानुमान गरेको छ । पश्चिमी न्यूनचापीय प्रणालीको आंशिक प्रभावले देशका… 
पोखरा : कुनै बेला जलारीले फेवातालबाट दैनिक २ हजार ३ सय किलोसम्म माछा मार्थे। त्यसबाटै करिब १ सय परिवारको रोजीरोटी… 
तीव्र गतिमा फैलिरहेको डढेलोका कारण संयुक्त राज्य अमेरिकाको लस एन्जलसमा अवस्थित प्यासिफिक प्यालिसेड्सबाट दशौँ हजार मानिसहरूको उद्धार गरिएको छ।अग्निनियन्त्रकहरूले… 
हिमालको सुरक्षा भनेकै पृथ्वीको सुरक्षा हो भन्ने कुरा ख्याल गर्न विश्व समुदायलाई राष्ट्रपति रामचन्द्र पौडेलले आह्वान गरेका छन्। अजरबैजानको… 
संरक्षण, सम्वद्र्धन र विकास गरेको सामुदायिक वनलाई मुलुकको समृद्धिसंग जोड्नु पर्ने एक कार्यक्रमका वक्ताले जोड दिएका छन् । वन… 
किसानको साथी भनेर चिनिने लाटोकोसेरो संरक्षणकालागि समुदाय नै एक भएर संरक्षणमा लाग्ने प्रतिबद्धता जनाएका छन् । पोखरा २५ हेमजाका…