हिमालको सुरक्षा नै पृथ्वीको सुरक्षा -राष्ट्रपति पौडेल

हिमालको सुरक्षा भनेकै पृथ्वीको सुरक्षा हो भन्ने कुरा ख्याल गर्न विश्व समुदायलाई राष्ट्रपति रामचन्द्र पौडेलले आह्वान गरेका छन्। अजरबैजानको बाकु सहरमा कात्तिक २६ गतेदेखि सुरू भएको जलवायु परिवर्तनसम्बन्धी संयुक्त राष्ट्रसङ्घीय संरचना महासन्धि पक्ष राष्ट्रहरूको २९औं सम्मेलन ९कोप(२९० मा विश्व नेताहरूको उच्च स्तरीय सत्रलाई मंगलबार सम्बोधन गर्दै राष्ट्रपति पौडेलले हिमालको सुरक्षा गर्न आह्वान गरेका हुन्।

कार्बन उत्सर्जनमा शुन्य जस्तै योगदान दिएको देश नेपाल व्यापक नकारात्मक असर भोग्नुपर्ने विरोधाभासपूर्ण अवस्थाबाट गुज्रिरहेको पनि उनले सभामा बताए । नेपाल जलवायुजन्य प्रकोपको पीडामा छ। हालैको बाढी पहिरो र हिमताल विष्फोटन लगायतका विपदबाट सयौं मानिसको मृत्यु र अरबौंको भौतिक क्षति भएको बताए । जसको पुनर्लाभ र पुनर्स्थापना अझ भइसकेको छैन,ु राष्ट्रपति पौडेलले भने।

उनले जलवायु परिर्वतनको मारबाट पृथ्वी नै संकटमा परेकाले गरिब, अल्पविकसित, विकासशील तथा साना टापु मुलुकहरू यसको पीडाबाट बढी प्रभावित भएको बताए। उनले विश्व समुदायको हित र पृथ्वीको रक्षाको लागि नेपालले प्राकृतिक स्रोतसाधनको उपयोगमा अनुशासन कायम राख्दै कार्बन उत्सर्जन न्यूनीकरणको महत्वाकांक्षी एनडीसी योजना कार्यान्वयन गरिरहेका बताए। वन क्षेत्र बढाएको र स्वच्छ ऊर्जा उत्पादन र आपूर्तिमा जोड दिएको उनको भनाइ छ।