पर्वत जिल्लाको थापथाना क्षेत्रमा गुँड बनाई प्रजनन गरेको एक वयस्क सेतो गिद्ध आहार र विचरणका लागि अधिकांश समय पोखरामा बिताउँथ्यो। ढाडमा स्याटेलाइट ट्याग लगाइएको उक्त गिद्धले बचेरा हुर्काइसकेपछि २०८२ कार्तिक १० गते आफ्नो वासस्थान छोड्दै पोखरातर्फ यात्रा सुरु गर्यो।
पोखराको दोभिल्ला र आसपासमा करिब एक हप्ता बिताएपछि कार्तिक १७ गते उसले लामो दूरीको उडान लियो। त्यसै दिन करिब १०० किलोमिटरको हवाई दूरी पार गरी अर्घाखाँचीको सन्धिखर्कमा बास बस्यो। भोलिपल्ट ११६ किलोमिटर उड्दै भारतको उत्तरप्रदेशस्थित लालनगर पुग्यो। दुई दिनपछि करिब ८५ किलोमिटर यात्रा गरी नानपरा क्षेत्रमा पुगेको यो गिद्ध शाह पोल्ट्री फार्मलगायत सिनो र मासुजन्य फोहोर फाल्ने स्थान वरिपरि करिब दुई महिना बस्यो।
पुस २४ गते नानपरा छोडेर नजिकैको तिकुइया, राप्ती नदीको बगर क्षेत्रमा पाँच दिन बिताएपछि पुनः यात्रामा निस्कियो। पुस ३० गते कोइलाबास हुँदै नेपाल फर्किएर करिब ८५ किलोमिटर उडेर दाङको गढवामा बास बस्यो। भोलिपल्ट माघे सङ्क्रान्तिका दिन दाङको लालमटियास्थित जटायु रेस्टुरेन्ट क्षेत्रमा समय बितायो। माघ २ गते फेरि उडान भर्दै करिब १३० किलोमिटरको दूरी पार गरी दाङ, अर्घाखाँची र गुल्मी हुँदै स्याङ्जाको पुतलीबजार पुग्यो। भोलिपल्ट ७६ दिन लामो यात्रालाई बिट मार्दै पुनः पोखराको दोभिल्ला क्षेत्रमा फर्कियो।
सेता गिद्ध । फाइल तस्बिर : कृष्ण भुसाल
भुसालले सेतो गिद्धमा विद्यावारिधी गर्दै छन् ।
यो तस्बिरमा देखिएको पानी भएको क्षेत्र फिर्केखोला हो । यही खोलाको पानी बग्ने जमिन समेत अतिक्रमणमा परेपछि पोखरा महानगरपालिकाले… 
जैविक विविधता दिवसको अवसरमा पोखराको फेवाताल किनारमा रहेका ५० वर्ष देखि ३२४ वर्ष सम्मका बुढा रुखको महत्व समेटिएको “बैदामका … 
अन्तर्राष्ट्रिय जैविक विविधता दिवस प्रत्येक वर्ष अंग्रेजी मे महिनाको २२ तारिखमा मनाइने गरिन्छ । मे २२ को मिति संयुक्त… 
चोरी सिकार नियन्त्रण गर्न अन्नपूर्ण संरक्षण क्षेत्र अन्तर्गत जोमसोमको उच्च हिमाली क्षेत्रमा ड्रोनको प्रयोगगरी वनमा गस्ती गरिएको छ । …