चीनले दिने भयो तीन लाख डोज कोरोनाविरुद्धको भ्याक्सिन

काठमाण्डाै‌ : चीनले नेपाललाई तीन लाख डोज कोरोनाविरुद्ध भ्याक्सिन अनुदानमा उपलब्ध गराउने भएको छ । नेपालस्थित चिनिया दूतावासले आइतबार एक प्रेस विज्ञप्ति जारी गर्दै यसबारे जानकारी गराएको हो ।   दूतावासले नेपाली सरकारी अधिकारीहरुसँग भ्याक्सिन आपूर्तिबारे छलफल भईरहेको जनाएको छ।

चिनीया कम्पनी सिनोफार्म नामक कम्पनीले उत्पादन गरेको कोरोना विरुद्धको भ्याक्सिन नेपाललाई दिन लागेको बताइएकाे छ । हालै चीन सरकारले उक्त भ्याक्सिन उत्पादनको लागि अनुमति दिएको थियो ।  यस अघि भारतले नेपाललाई १० लाख डोज कोरोना भ्याक्सिन अनुदान दिने घाेषणा गरेकाे थियाे । साेही घाेषणा अनुसार भ्याक्सिन अाइसकेकाे छ । भारतबाट ल्याइएकाे खोप अग्रपंक्तिमा खटिएकाहरू र स्वास्थ्यकर्मीलाई लगाउने काम भइरहेकाे छ ।
भारतमा काेराेनाविरुद्धकाे खाेप अभियान सुरु भएकाे एक सातापछि नेपाललाई भारतले अनुदान स्वरुप खाेप दिएकाे हाे । परराष्ट्रमन्त्री प्रदीप ज्ञवालीले माघ २ देखि ४ गतेसम्म भारत भ्रमण गरेकाे अवसरमा काेराेनाविरुद्धकाे खाेपका लागि सहयाेग गर्ने भारतले बताएकाे थियाे ।