
म कसरी लाटोकोसेरो ?
जब तपाई अँध्यारोमा छामछुम गरिरहेका हुन्छौ
म प्रस्ट देखिरहेको हुन्छु
म कसरी लाटोकोसेरो ?
जब अँध्यारो बढ्दै जान्छ
म देख्छु
अचम्मका दृश्य
नेताको झन्डावाल पजेरो
प्रवेश गरेको –
न्यायधिशको निवासमा
र व्यापारीको बङ्गलामा
म उड्दै झ्यालबाट नियाल्छु
र देख्छु
दशकौँपछि भेटिएका सहपाठीझैँ
अङ्कमाल गरिरहेका
कानेखुसीमा बात मारेका
फाइलका ठेलीमा हेर्दै निधार खुम्च्याएका
साथै देख्छु
चियर्स गर्दै
र दोबारेर सुटुक्क
कोटको गोजीमा चेक घुसारेका
त्यसो त
थुप्रै पटक
तारे होटेलबाट
मात्तिएर ढुन्मुनिदै निस्केको पनि देखिन्छ तपाईँको नेता
तपाई त आदर्श नै मानेर
उनैको फोटो टाँगेर कोठामा
उनको एक शब्दमा बलिदान हुन तैयार हुनेछु भन्छौ
उनकै कारण हामीजस्ता श्रमजीवीको सपना जिउँदा छन् भन्छौँ
नारायण नारायण
अब म के भनूँ ?
दिन र रातमै
मान्छे नपत्याउने गरी फेरिन्छ भन्ने थाहा नपाउने तपाई
र सबै करतुत आफ्नै आँखाले देख्ने
म कसरी लाटोकोसेरो ?
छिमेकको कुकुरले
आफ्नो गेटैमा आची गरेको थाहा नपाउने
तपाई कसरी बाठो ?
झिसमिसेमै छिमेकीले बिरालो चालले
कुकुरलाई तपाईँको गेटै नजिक आची गराएको दृश्य
सम्झेर म ताज्जुब खान्छु
उज्यालोमा अँगालो मार्ने मानिसहरू
अँध्यारोमा कसरी खुँडा उज्याउछन्
अँध्यारोले छोपेका दृश्यहरू
अँध्यारोमै छर्लङ्ग देखिँदो रहेछ
कहाँ घाममा मात्र छर्लङ्ग देखिन्छ र ?
जब अँध्यारोमा नदेखेर तपाई निरीह बन्छौँ
म प्रस्ट देखिरहेको हुन्छु
म कसरी लाटोकोसेरो ?
(डा. रोशन शेरचनले त्रिभुवन विश्वविद्यालयको वातावरण विज्ञान केन्द्रीय विभागबाट वातावरणीय विज्ञानमा विद्यावारिधि गरेका हुन । उनी साढे दुई दशक देखि जैविक विविधता, वन र पर्यटन क्षेत्रमा कार्यरत छन् ।)




पोखरा : जलवायु परिवर्तनसम्बन्धी संयुक्त राष्ट्रसंघीय सम्मेलन कोप ३१० मा नेपालले हिमाली क्षेत्रका विशिष्ट समस्या, जलवायुजन्य हानि तथा नोक्सानी,…
पोखरा : बंगलादेशको खाडीमा विकसित भएको ‘अर्नब आँधी’ले आज बिहीबारदेखि शनिबार सम्म तराई, पहाडमा पानी पर्ने र हिमाली क्षेत्रमा…
पोखरा : दोस्रो कोदो महोत्सवमा पोखरामा किसान सम्मानीत भएका छन् । किसानलाई कोदो खेती तर्फ आकर्षण गर्न पोखरा महानगरपालिकाले…
गण्डकी प्रदेश सभाले पारित गरेर प्रमाणीकरणकालागि पठाइएको औषधीजन्य तथा औधोगिक प्रयोजन गाँजा खेतीलाई नियमन र उपयोग गनै बनेको विधेयक…
पोखरा : स्याङजाको पर्यटकीय गाउँ राङभाङ, भैँसेगौंडामा पर्यापर्यटन बुझाउने पुस्तक सार्वजनिक भएको छ । प्रकृतिका साथीहरू नामक संस्था र…
जैविक विविधता तथा पशु-पंछीमैत्री तिहार पर्व आज काग पूजा गरेर सुरु भएको छ। यमपञ्चक अर्थात् तिहारको पहिलो दिन आज…
भूगोलविद् डा. हर्कबहादुर गुरुङ र संरक्षणविद् डा. चन्द्रप्रसाद गुरुङको सम्झनामा बेल्जियममा २०औँ स्मृति दिवस मनाइएको छ। २० वर्षअघि ताप्लेजुङको…