काेराेना कहर: संक्रमणबाट एकै दिनमा १३९ जनाको मृत्यु

नेपालमा कोरोना संक्रमण देखिएयता साेमबार एकै दिन सबैभन्दा धेरै १३९ जनाको मृत्यु भएको छ । देशभर एकैदिन यति धेरै मृत्यु भएको यो नै उच्च संख्या हो ।स्वास्थ्य तथा जनसंख्या मन्त्रालयका अनुसार पछिल्लो एक सातामा कोरोनाबाट मृत्यु हुनेको संख्या ह्वातै बढेको देखिन्छ ।

वैशाखको पहिलो साता दैनिक मृत्यु हुनेको संख्या १० भन्दामुनि थियो । वैशाख २१ बाट ५० माथि लाग्यो । त्यस दिन ५५ जना संक्रमितको मृत्यु भएको छ । २२ गते ५८, २३ गते ५४ र २४ गते ५० जनाको मृत्यु हुँदा २५ गते ५३ जनाले ज्यान गुमाए । २६ गते ८८ जना मृतक थपिएका थिए र सोमबार एकैदिन (१३९ को मृत्यु भएको छ । स्वास्थ्य मन्त्रालयको तथ्यांकअनुसार वैशाख महिनाको २७ लिनमा ८०१ जनाको मृत्यु भएको छ । उनीहरुमध्ये ४९७ जनाको पछिल्लो एक सातामा मृत्यु भएको हो ।