गिद्धहरूको देश ..

गिद्धहरूको देशमा दसैँ आएको छ
पटाङ्गिनीबाट
मरिरहेका लास हेर्दै
बच्चाहरू र्‍याल काढी रहेका छन् ।
पख नआत्तिऊ
हाम्रो पनि धर्म हुन्छ
यिनीहरू मर्न देऊ
हिजोका लासहरू
डिफ्रिजबाट झिकेर फिल्म हेर्दै लुछ्दै गर ।
गिद्धहरूको राजा छानिँदै छ
पापा बैठकबाट फर्किञ्जेल
ताजा सिनोहरूको पहाड लाग्नेछ
चिताका धुवाँहरूको हिमाल हेर्दै
लुछ्दै गरौँला ।

(बिश्व सिग्देल राजनैतिक विश्लेषक तथा सामाजिक अभियन्ता हुन्)